Pokéworld (已結業)

午餐我通常食死三幾間健康啲既選擇，不過都會悶架嘛！今日得自己食，就轉左食一食pokebowl。好想食飯，特別係壽司飯，不過忍口地叫左salad底。Protein佢包兩款，我就要左三文魚同呑拿魚，吸收好既油脂！走醬之後接近要哂所以免費配菜。就算堂食佢都俾紙盒，有少少內疚做樹精。份量唔算太大，特別係無碳水化合物既情況下。佢最大好處我反而覺得係有薑，始終食咁多生冷野，食番啲薑可以補番下。佢既魚生唔敢話係好靚，好鮮，不過勝在份量算多。呢間大部份人都外賣，佢既自閉位無乜人坐，可以自行自閉一番。