影片
更多
2025-05-11
631 浏览
上環 ｜ 驚喜連連的素食Pizza🤍朋友強力推薦，終於去試咗間人氣爆燈嘅Pizza店，一試佢哋嘅招牌素食薄餅——藍芝士蘋果Pizza（$178），結果真係令人眼前一亮！聽個名可能會以為係奇怪組合，但第一啖已經令人愛上。藍芝士嘅鹹香配上蘋果片嘅清甜，完美平衡，鹹鹹甜甜好開胃，完全唔會覺得膩。薄餅底薄身微脆，唔會太飽滯，兩個人Share一個12吋剛剛好。呢個配搭再加杯白酒或紅酒，真係一流享受！除咗Pizza之外，我哋仲試咗幾款意粉，水準都好有驚喜：•西西里鯷魚露蜆肉青辣椒粗意粉：帶點鹹香同海鮮鮮味，青辣椒微辣提升層次。如果汁可以多啲會更好，因為有啲意粉偏乾。•松露油牛肝菌火腿大通粉：濃郁香滑，每條大通粉都掛滿醬汁，creamy得嚟唔漏滯，松露味香得黎唔會搶味，推介！小食方面：•香烤黑椒雞翼：大隻肉嫩，皮脆香口，水準穩定；•蕃茄芝士焗肉丸：餐牌寫五粒，實際嚟咗八粒，賺到！肉丸結實又Juicy，配芝士焗得好香，令人滿意。整體嚟講，每樣都係高質水準，價錢合理，人均$200左右就食得飽飽地。唔怪得成日都見人排長龍，而家開多咗分店終於唔使等咁耐，鐘意Pizza嘅你絕對唔可以錯過！
朋友強力推薦，終於去試咗間人氣爆燈嘅Pizza店，一試佢哋嘅招牌素食薄餅——藍芝士蘋果Pizza（$178），結果真係令人眼前一亮！
聽個名可能會以為係奇怪組合，但第一啖已經令人愛上。藍芝士嘅鹹香配上蘋果片嘅清甜，完美平衡，鹹鹹甜甜好開胃，完全唔會覺得膩。薄餅底薄身微脆，唔會太飽滯，兩個人Share一個12吋剛剛好。呢個配搭再加杯白酒或紅酒，真係一流享受！
除咗Pizza之外，我哋仲試咗幾款意粉，水準都好有驚喜：
•西西里鯷魚露蜆肉青辣椒粗意粉：帶點鹹香同海鮮鮮味，青辣椒微辣提升層次。如果汁可以多啲會更好，因為有啲意粉偏乾。
•松露油牛肝菌火腿大通粉：濃郁香滑，每條大通粉都掛滿醬汁，creamy得嚟唔漏滯，松露味香得黎唔會搶味，推介！
小食方面：
•香烤黑椒雞翼：大隻肉嫩，皮脆香口，水準穩定；
•蕃茄芝士焗肉丸：餐牌寫五粒，實際嚟咗八粒，賺到！肉丸結實又Juicy，配芝士焗得好香，令人滿意。
整體嚟講，每樣都係高質水準，價錢合理，人均$200左右就食得飽飽地。唔怪得成日都見人排長龍，而家開多咗分店終於唔使等咁耐，鐘意Pizza嘅你絕對唔可以錯過！
张贴