影片
以前（当时连小洪宾都未听过）去开将军澳分店，果边设计、空间感一流，食物水准唔错，性价比高。当时，午餐包汤/沙律，餐饮可选奶啡，有造型、大大杯，食完饱足又满足。今日放假，为求新鲜感，就去咗尖沙咀分店。5月份午餐由$98起，只得主菜+餐饮，小食/甜品可额外加钱。意大利愤怒大通粉配意瓜：$108；午市餐牌上有几款素食选择，呢个睇落最纯粹（冇芝士），适合素食人士；上台时，通粉冒烟，非常热，绝对唔能够即时摆入口。由人手落单到上菜，极速完成：落单后1-2分钟有饮品，~5分钟有埋主菜，估计好大机会系预制+微波炉翻热，一谂到可能系咁就相当失望。味道方面，茄酱的味道非常好，餐牌写系「（沤（熬）煮3个钟蕃茄汁，辛辣）」，佢的质地浓稠，适合用嚟挂汁，辣度够，味道浓郁，相当惹味；散笔的系大通粉，煮/翻热过笼，几乎每粒都未笃已散或一叉即散，莫讲话al dente，佢的水准甚至比普通西餐的出品更低，嘥咗个茄酱；意大利青瓜切到好细粒，水份重，冇乜味，只系点缀Latte：台上有牌仔写「餐饮咖啡可免费升级意大利Caffe Carraro coffee」，落单时，侍应反转牌仔话是日咖啡系左面的「Honduras」，呢个时候睇见幅图，先知原来Caffe Carraro coffee系胶囊咖啡，唔系咖啡豆，有少少失望，但都点咗latte试下；咖啡嚟到，细杯，冇拉花，颜色系浅米色，咖啡味唔重，似饮紧带薄弱咖啡味的牛奶Tiramisu：望落大杯过latte；质地可以，𢳂落层次分明，手指饼冇浸到淋晒，甜度啱香港人，亦食到有些少酒味，不过，甜品的味道好单薄/单调，冇层次，当食到酒同cream cheese的味道时，哪怕唔系食家都食得出食材质素较低，只有表面的味道，唔会想追住食整体用餐经验：呢度无论上菜速度、味道同服务都犹如快餐，饮品落单冇耐就送上，令餐厅免却斟茶递水；食物应该系翻热食品，pasta肢离破碎，咖啡稀，tiramisu味道单一，以上总总都令人几失望。讲番呢次的特别体验。当食物送上时，因为太烫口，只好慢慢食，等佢放凉。望望下突然发现点解冇意大利青瓜既？仔细睇，系成碟都冇。问侍应，佢同另一位职员（应该负责厨房）联系后，话落漏咗，帮我重新整过。新上果碟多咗意瓜粒，食物同样烫口。再隔一阵，侍应送上tiramisu，话因为落漏材料而请我食。原本因为餐厅的食物质素，我同个菜名一样都几「愤怒」，不过，侍应同职员好有礼，加上免费甜品，点都缓和咗负面情绪。呢间餐厅最好的地方系（1）环境；（2）职员的态度（服务一般，主要因为得1个侍应睇晒成个场）；至于食物，光顾前要做定期望管理。最近睇过小洪宾的片。当遇到劣食时，小洪宾会爆粗，而佢亦曾经以意大利人身分，评价香港的意大利菜。与其周围觅食，小洪宾不妨先踩场试下自己名下的分店，用食客的角度，发掘餐厅更多可以进步的空间！
继续阅读
一行八人生日饭，要叫既都尽叫齐！Pizza比我上次去上环食好似细左😭不过大家明既～味道依然好味！最大惊喜系个新鲜菠萝pizza!!!!同行朋友话咸鱼pizza唔够咸鲜，我就觉得蓝芝士今次唔够臭！要数今餐最好食，一定系个蟹肉大通粉，真系汁都同佢清左…仲有，咖哩薯条又系一个惊喜！Cold cut野饮都有水准！今次无叫沙律，下次再黎要叫下！成大班人去食饭拣呢度系开心大家都满足既选择🥳生日朋友有15分钟霸占个大mon系特别既但下次应该要拣歌！！
继续阅读
就算未食过呢间，都一定听过老细个大名🤣 (记得佢话五行缺“湿”所以改呢个名，笑咗劲耐😂) 总结一下pizza嘅质地，烟韧麦香重，就算批边睇落干，但食落松软，而且越咬越香😚劲钟意! ✿ 蓝芝士苹果薄饼 $198必食!!所谓嘅脚臭味，其实放心系讲笑only，实际上劲好食😭❤️ 加埋苹果片、蜜糖，成个组合系香甜上瘾，大家抢住食(>ω<) ✿ 泰式虾度假风情 $188fusion口味，冬阴功酱微辣开胃😋虾肉新鲜弹牙如果加啲柠檬叶/皮，应该更正👅 ✿ 松露油牛肝菌小菇意大利饭配极难揾意大利烟熏鹅胸肉 $168讲到咁难揾，就试试佢🤣几特别，介乎parma ham & carpaccio 之间嘅感觉😳饭入面啖啖都系菇! 饭粒creamy柔软个人口味钟意硬身啲嘅饭粒，不过朋友们都钟意软身，呢个啱佢哋🤣 尖沙咀分店环境坐得好舒服，服务不错如果pizza有细size拣/双拼就好，今次得3个人，试唔到太多，唯有下次再嚟😝🍴加一服务费：✔️
继续阅读
这间餐厅以其独特的Pizza和新潮的装饰吸引了众多年轻食客，绝对系打卡热点！真• 菠萝薄饼 $178 菠萝嘅甜味同香脆嘅薄饼底完美结合，口感丰富，重点是用上了圆形片装菠萝，全港独家。招香辣海鲜意粉 $158 海鲜新鲜到爆，辣味适中，搭配意粉嘅口感，系一个令人难以抗拒嘅选择，食完保证回味无穷👍🏻水牛芝士配丰富水果 $148 独特嘅水牛芝士，加上时令水果，味道清新，个人觉得必试！一口咬落去，感觉真系好幸福！Tiramisu $68 甜品部分更不能错过，呢个Tiramisu滑顺又香浓，完美结束一餐，令人意犹未尽！
继续阅读
呢间意大利人开嘅餐厅，原来已经做咗14年🤯平时食开港岛两间分店相继结业，搞到153追到佢嚟尖沙咀🫡尖沙咀新店融合复古与现代元素，型格得嚟又几chill，仲有bar枱可以叹返杯🍸💬 菜式短评：❝ 蓝芝士苹果薄饼餐厅招牌蓝芝士苹果pizza, 咸咸甜甜几特别😋 Pizza系薄批底，批边就厚身烟靭几好食🫶🏻❝ 「丑小鸭」蟹肉大通粉听闻老板（意大利人）个老婆（香港人）钟意食蟹肉蒸蛋，于是就启发咗老公做呢道菜🤣🤣 蟹肉比得几足，酱汁几creamy, rigatoni大通粉仲有得免费转做bucatini空心意粉（香港比较少见），口感弹牙仲几挂汁✨❝ 香烤黑椒鸡翼（五只）鸡翼肉质几嫩同juicy, 黑椒味唔会太辣，啱做小食同朋友share👍🏻❝ Tiramisu（原名：又系自己整嘅好骄傲自豪嘅tiramisu重出江湖）意大利经典甜品tiramisu, 餐厅就话要将家乡美食做到最好，一于就试试佢🤣Tiramisu食落层次分明，咖啡微苦同甜味平衡刚好，而且带少许酒香，不错不错😛❝ Panna Cotta（原名：自己整意式奶冻）又系餐厅自家出品诚意之作，完全符合香港人对甜品最高评价 —— 唔会太甜🤪今次食嘅酱汁系热情果味，酸甜味道配淡淡奶香嘅panna cotta都几夹！我哋仲咗嗌咗三杯嘢饮，记得7:30pm前落单有happy hour 85折优惠🤪！❝ Adult Milk Tea❝ Mademoiselle Pistacchio❝ Jacomax Sunrise (mocktail)
继续阅读