金記冰室 (八號花園) (已結業)

又約大埔友食好西了，今次朋友話去剛新開的金記冰室食晚飯，好啦～反正金記冰室水準不錯，試下新開的分店點都好。交通非常方便，有火車站接駁巴士K12總站一落就見到，唔駛左搵右搵，真係好方便。就因為方便，好多街坊幫襯，我8點多嚟食飯都要排隊，好彩效率都快，等了5分鐘就可以入座。一入餐廳看見食客滿滿的，全院滿座，我們都要坐在門口位，不過有位坐已經好滿意了。餐廳裝修到同火車博物館很似，以火車站造型設計，好似置身於火車上享用美食，都算好心思。是日晚市套餐有海南雞飯套餐，我哋叫了，海南雞是的滑，中湯是蓮藕豬骨湯，都夠味，飯是炒蛋飯，不是用油飯配搭，再加上小食是花生又幾新穎喎～至於位大埔友超愛菠蘿生炒骨，多酸又不油，炒得好香，未食就流口水了。餐湯是羅宋湯夠味道不錯，材料多湯多濃，好開胃喇～另外我哋叫多兩碟小菜，一個是菜莆肉碎煎蛋及蒜蓉炒西蘭花。菜莆勁多滿碟都是，餐廳相信大方， 菜莆大贈送。不過最吸引我哋就係隔離枱個兒童餐， 誘人嘅地方係擺設精緻，食物顏色豐富，連大人都想食。整體上金記冰室還keep到水準， 所有食物通通放進肚裏，一件不留， 證明佢係好食啦～