影片
更多
2018-11-16
895 浏览
7-11-2018 (Wed)老公陪我去醫院檢查,之後因帶漏o野,就要爸爸拎o黎,攪掂彼都中午,一齊食飯.為o左就爸爸,唔去新城市廣場食,去第一城啦.我o地o黎到呢間,由於好早,所以冇乜人,佢o地都俾o左坐梳化o既四人枱我o地,相當闆落舒適.我o地決定要$68.00o既一人套餐同$198.00o既二人悠閒點套餐. 一人套餐包一杯o野飲,老公要o左熱新鮮有機豆漿,落完單,o野食好快到:1. 蔥油開洋伴麵味道好濃,麵係好完整,冇cut開o既,爸爸算食得最多.2. 薺菜肉絲炒年糕呢個味道相對清淡啲,年糕煙韌.3. 招牌生煎包2件爸爸唔食,咁我同老公一人一個,個底煎到夠脆,內裡o既豬肉餡好大舊,口感鬆軟,但醬汁唔算多.4. 金網生煎窩貼一碟異隻大大隻,冇煎到香脆,內裡o既醬汁都唔係好多,但肉都一樣鬆軟.5. 油林雞原來係炸雞,雞肉唔多,厚炸粉脆口,個汁都幾惹味,老公竟然叫碗白飯o黎送.6. 四喜烤麩拼花雕白雞呢個好似漏俾,我o地叫白飯時都提提佢o地.四喜烤麩暖暖地,味道好濃.花雕白雞比較多肉,酒味濃,OK.老公就話熱豆漿味道淡,一般.味道係3.23分其他:坐低後,有一碟餐前小食,係花生同辣蘿蔔
我o地o黎到呢間,由於好早,所以冇乜人,佢o地都俾o左坐梳化o既四人枱我o地,相當闆落舒適.
我o地決定要$68.00o既一人套餐
同$198.00o既二人悠閒點套餐.
一人套餐包一杯o野飲,老公要o左熱新鮮有機豆漿,落完單,o野食好快到:1. 蔥油開洋伴麵
味道好濃,麵係好完整,冇cut開o既,爸爸算食得最多.2. 薺菜肉絲炒年糕
呢個味道相對清淡啲,年糕煙韌.3. 招牌生煎包2件
爸爸唔食,咁我同老公一人一個,個底煎到夠脆,內裡o既豬肉餡好大舊,
口感鬆軟,但醬汁唔算多.4. 金網生煎窩貼
一碟異隻大大隻,
冇煎到香脆,內裡o既醬汁都唔係好多,但肉都一樣鬆軟.5. 油林雞
原來係炸雞,雞肉唔多,厚炸粉脆口,
個汁都幾惹味,老公竟然叫碗白飯o黎送.6. 四喜烤麩拼花雕白雞
呢個好似漏俾,我o地叫白飯時都提提佢o地.
四喜烤麩暖暖地,味道好濃.
花雕白雞比較多肉,酒味濃,OK.
老公就話熱豆漿味道淡,一般.
味道係3.23分
其他:
坐低後,有一碟餐前小食,係花生同辣蘿蔔乾,
OK 開胃o既,呢個要$9.00.而茶呢,爸爸話好飲,我就飲到玄米味,問問職員,話係玄米喬麥茶,茶水每位$12.00,不過o個個一人套餐免茶水同加一.
所以價錢係$319.00.
张贴
