翁記上海館 (已結業)

今天往慈雲山探朋友，不經不覺又到晚餐時間，朋友帶我去慈華里一間新開業冇耐的翁記上海館食，佢話尼間d食物平又幾好食，又吾洗加一和茶錢，餐廳不大，但都座無虛席，即管入去試試！酸辣拉麵、小籠包、豆漿：這是一個餐，價錢比散叫平，豆漿不會太甜，適合任何人飲，酸辣拉麵材料有豆腐絲、木耳絲、肉絲等，湯不會好辣。小籠包都有好多湯汁，套餐都好底食！竹笙火腿雲呑雞：湯底都好濃，因為加了火腿，所以都好鮮味，雞不是半隻上，而是切件的，方便客人食用，雲吞、竹笙和菜都因為和湯一齊食，所以亦帶鮮甜味！上海燻魚：老板說因為近街市，所以每日都可以買到新鮮生猛的鯇魚做燻魚，這魚是凍食，魚肉外層脆的，加上甜甜的醬汁，味道唔錯！鮮肉鍋貼：底部煎得好脆，餡料是鮮肉和菜，食時點少許醋，不會濟！香酥豆沙鍋餅：外層酥脆，夾著豆沙䤾料食，不錯的飯後甜品！