上海姥姥 (已結業)

一個人的晚飯，求其食就算喇， 不過求其食都要搵間好味嘅，今晚喺荃灣新之城行完街，搵到上海姥姥，食個上海菜都好。 上海姥姥之前食過一次，唔知今次水準得唔得呢？上海粗炒，賣相充滿光澤，炒得好靚，上海粗面非常煙韌，口感又唔會太淋，仲落咗好多椰菜、小棠菜一齊炒，增加甜味，自己一個人食曬一碟都唔會覺得咸。食完正餐，都要食個甜品。食得上海嘢，唔少得豆沙餡餅，外層煎得微微脆，裏面有熱辣辣的紅豆蓉，外脆內軟，好鍾意呢種口感，香口中帶微甜，推介！