上海弄堂菜肉餛飩 (綿發街) (已結業)

年初6入馬場工作前到跑馬地揾野食，被一間叫上海弄堂既店名吸引左，弄堂其實係小巷既意思，開喺呢條小街非常配合佢既名！小店由門外到內都古色古香，令我仿如置身上海小巷的餐館！由於我去既時間係下午茶時間，餐廳仍然提供午餐選擇，其實我對餐牌內各種上海菜都十分喜歡，例如醉雞同獅子頭，都係我心頭好，不個肚仔空間有限，只能選擇一樣，唯有選擇獅子頭加菜飯，餐廳主打餃子，既然一場嚟到點都要試下，於是我亦點左個紅油炒手！獅子頭首先出場，兩大舊肉丸，非常足料，食落唔覺有肥肉，啖啖肉！ 加埋d鮮甜湯汁滲晒入d肉度，每啖都有湯汁滲返出嚟！湯汁入面既菜，亦經過烹調！ 煮到好軟稔，吸左少少湯汁令菜更甜！要特別講一下係碗菜飯，飯入面既白菜仲係鮮嫩，證明唔會預先整好煲左好長時間，令白菜變左黃色，菜飯有咬口，也有白菜既清甜味，份量亦十足！最後出場既係紅油抄手，辣油夠辣但唔會搶走左餃子本身既鮮甜味道，外面辣食到入面又有鮮甜味，餃子入面既肉亦煮得恰到好處，非常嫩滑！ 要特別讚既係餃子既隔水工序做得很好，辣油唔會被餃子多餘水份溝淡左！ 非常抵讚！