影片
更多
2021-07-04
3856 浏览
朋友飯局試吓上海婆婆放題 ，喺op 訂座8-10pm時段$238加一，可以自選花膠雲吞雞或者招牌酸菜魚，我哋擇招牌酸菜魚。平時lunch 就食得多，所以都幾期待放題究竟係點😃準時8點放人入去，除咗手機Qr code 落單之外，出面會有小型自助區，有冷盤小食、炸物、紙包飲品以及醬汁餐具。樣樣嘢都夾啲，出奇地味道唔錯喎，我自己最鍾意避風塘茄子、雞絲粉皮、炸饅頭，而鍋貼更有原味同泡菜味兩款。入座每人送一碟前菜，前者有兩件大蝦🍤蝦肉爽彈、醬汁酸甜惹味；後者係脆卜卜嘅雀巢兜裝住韭菜同帶子粒，啖啖爽口，好有誠意！麻婆豆腐非常之滑溜，醬汁濃郁帶微辣，岩晒我口味！剁椒魚片encore左幾次，魚肉滑嫰，味道比酸菜魚更入味，大家都食到停唔到口！蜜汁火方 大家都係第一次食，用薄身饅頭夾住火腿同脆卜卜嘅炸腐皮，配上桂花蜜汁食落甜甜地非常開胃，讚！招牌酸菜魚份量多，肉質嫰滑但略嫌湯底較淡味唔夠酸！食嘢途中，員工同我哋講出面有甜品，款式多樣化，非常驚喜！有黑糖冰粉、擂沙湯圓、豆沙鍋餅、連酒釀小丸子都有😋我覺得呢度貴精不貴多，手機落單主菜大概有10幾款，加埋自助區唔可以話好多但又唔算少。每一樣都細細碟份量適中，調味
準時8點放人入去，除咗手機Qr code 落單之外，出面會有小型自助區，有冷盤小食、炸物、紙包飲品以及醬汁餐具。
樣樣嘢都夾啲，出奇地味道唔錯喎，我自己最鍾意避風塘茄子、雞絲粉皮、炸饅頭，而鍋貼更有原味同泡菜味兩款。
入座每人送一碟前菜，前者有兩件大蝦🍤蝦肉爽彈、醬汁酸甜惹味；後者係脆卜卜嘅雀巢兜裝住韭菜同帶子粒，啖啖爽口，好有誠意！
麻婆豆腐非常之滑溜，醬汁濃郁帶微辣，岩晒我口味！
剁椒魚片encore左幾次，魚肉滑嫰，味道比酸菜魚更入味，大家都食到停唔到口！
蜜汁火方 大家都係第一次食，用薄身饅頭夾住火腿同脆卜卜嘅炸腐皮，配上桂花蜜汁食落甜甜地非常開胃，讚！
招牌酸菜魚份量多，肉質嫰滑但略嫌湯底較淡味唔夠酸！
食嘢途中，員工同我哋講出面有甜品，款式多樣化，非常驚喜！有黑糖冰粉、擂沙湯圓、豆沙鍋餅、連酒釀小丸子都有😋
我覺得呢度貴精不貴多，手機落單主菜大概有10幾款，加埋自助區唔可以話好多但又唔算少。每一樣都細細碟份量適中，調味真心唔錯，幾好食！食得出唔係見放題就求求其其，而員工態度有禮，亦會不停收碟，放題形式挺有新鮮感，整體印象唔錯！
张贴
