影片
更多
2009-06-01
28 浏览
今晚一家三口o黎到上海婆婆食晚飯, 因為怕多人, 所以六點左右就到o左餐廳, 當時只有幾張枱坐o左人, 唔知係唔係有bb車o既關係, o個位經理o既物體就將我地由前門帶到去後口前o既一張"兩位"枱到坐, 話冇咩人行安全d (其實應該係唔想我地"3位"坐o左佢地4位枱啦). 但係我地係3位喎, bb都食野架喎...雖然佢地成4個人"圍住"我地, 但係最後我地都冇坐到o個張2人枱, 自己選o左餐廳正中o既4位枱坐, 坐低o左先發覺, 其他2位o既客人都坐o左佢地o既4人卡位啦!, 我地3位就迫我地坐後門2位枱, 未食已經大打折扣每間上海婆婆都放左好幾張好大o既BB畫, 呢個亦係其中一個吸引到客人o既一個地方, 不過餐廳本身就好似唔太鍾意BB"到訪"喇, 問o個位經理有冇BB櫈, 佢用好"理所當然"o既語氣話:"我地冇BB櫈架喎". 識得去用BB相做卓頭去吸引人, 但係就冇諗住招呼BB? 厲害...講返食野啦味道生煎鍋貼 - 皮脆多汁 - 有水準雪菜炒粉皮 - 非常熱, 夠特別 - 好味松子雞粒叉子 - 見放o左係menu o既第一頁, 所以點o左, 只係ok o者排骨擔擔麵 - 排骨都係
每間上海婆婆都放左好幾張好大o既BB畫, 呢個亦係其中一個吸引到客人o既一個地方, 不過餐廳本身就好似唔太鍾意BB"到訪"喇, 問o個位經理有冇BB櫈, 佢用好"理所當然"o既語氣話:
"我地冇BB櫈架喎". 識得去用BB相做卓頭去吸引人, 但係就冇諗住招呼BB? 厲害...
講返食野啦
味道
生煎鍋貼 - 皮脆多汁 - 有水準
雪菜炒粉皮 - 非常熱, 夠特別 - 好味
松子雞粒叉子 - 見放o左係menu o既第一頁, 所以點o左, 只係ok o者
排骨擔擔麵 - 排骨都係一般, 個擔擔麵就有d失望, 咪道唔出色之餘, 賣相亦唔靚, 之前見到報紙介紹, 話上海婆婆o既師傅頭兩三年學淥麵及放麵入碗中的手勢. 以為唔食得都睇得, 點知都係得個吉 - 唔食得, 唔睇得
蒸銀絲卷 - 都ok
環境+衛生
枱與枱留有足夠空間, 座位亦幾舒適, 地方潔淨, 又有open kitchen
服務
侍應服務良莠不齊, 有d好好笑肉, 有d黑面, 不過加水個位就好快手, 唔使人叫, 算合格啦
抵食
唔算抵食, 而自己仲覺得偏貴, 主要因為份量少, 我諗午市食午餐會比較抵食
整體而言, 感覺唔錯, 由一位未到30歲o既總廚主理, 有咁o既水準真係幾難得, 所以都會再去多次試下其他野, 不過希望下次有BB櫈啦
张贴