上海婆婆 (已結業)

之前媽咪生日，全家去咗V city 嘅上海婆婆幫佢慶祝。為節省等位時間，所以我預先係V City 個Apps book 咗位。之後預番時間去，所以一去到就可以直接入去，夠哂方便^^菜式選擇頗多，整體味道不錯，敗筆在於小菜唔夠熱。或許係因為周末客人多，所以廚房預先整定。總共叫咗五款菜餚: 醉雞(冷盤)、蟹粉炒飯、小籠包、鎮江排骨、賽螃蟹。另外叫咗兩道甜品: 擂沙湯圓、豆沙高餅。蟹粉炒飯幾香口，但暖暖地，唔夠熱。鎮江排骨明顯放涼咗， 個汁酸酸甜甜，頗入味。醉雞雖然用醃酒浸住，食落涼浸浸又夠嫩滑。賽螃蟹無咩驚喜，但送飯一流。小籠包味道一般。擂沙湯圓皮薄餡靚，豆沙窩餅幾脆口，值得一試。