艾粒是叻 (已結業)

星期六奶綠男收工買外賣過我食 😛上水有乜可以食 就決定試下個間黃店小食 艾粒是叻 發現原來佢都幾多種類既野食可以選擇 有幾多款炸物同熱狗🌭️可以揀雖然呢幾日天氣都頗熱下 但外送位置起深山 返到嚟野食都仲算暖 奶綠男叫左份邪惡芝士熱狗🌭️賣相望落幾吸引 無驚艷既味道 但個包幾軟熟香甜 熱狗腸配上熱溶左既芝士水準都唔錯 😆👍🏻我叫椒鹽燒賣同埋鹽酥雞 兩樣既外皮都炸得相對硬身 椒鹽燒賣口感唔算好脆口但食落幾香口 同埋二十蚊份有咁多粒都幾抵食 另外既鹽酥雞更加好 外皮幾香口咬開裡面有肉汁 勁惹味 唔錯 係上水呢片食物沙漠裡面難得既黃店小食 都值得支持吓😌