竹島水產 西日放題 (已結業)

平時好少係上水食野，而且更加唔知上水竟然有放題!! 朋友建議去試，當然去試一試，話曬唔洗出旺角咁遠。訂左位既原故，去到已經有得入座。去到先知原來有得打邊爐，有個自助配料區，配料有肉，丸，菜，公仔麵同蝦選擇左昆布湯底，湯底咸度適中，帶鮮味，亦有少量昆布。配料既蝦肉新鮮彈牙，而我最愛就係牛丸，非常驚喜一咬已經爆汁，肉質彈牙帶韌性，相當滿意，一試難忘，之後不斷出去拎放題當然唔少得魚生刺身，壽司，天婦羅，串燒。魚生款式雖然唔多，勝在新鮮，而天婦羅我亦好滿意，外脆內嫩，尤其天婦羅蝦。同埋值得一提，我幾中意串燒，肉類鮮嫩。仲可以配梅酒，一流因為有邊爐緣故，不知不覺就食左2小時，走之前食左唔少水果，甜品。竟然有甜筒，好滿意