鐵一燒

店舖在上水舊墟橫巷，不顯眼，所以冇大街咁多人，環境都幾舒服，因為見到食物多選擇，又免收加一就入去試下，今天是星期日，估唔到都好易搵位！

我試左豬軟骨拉麵$38蚊，湯底是豬骨濃湯，味道頗為濃厚，拉麵爽口彈牙，份量適中，豬軟骨整得真係好好食，非常入味，入口即融，真係唔錯，但係散叫冇嘢飲送~但係咁嘅價錢黎講算超值嘅！

店員服務態度也很好，上菜速度快，去開上水嘅朋友可以去試下~比起好多連鎖經營餐廳，呢間真係唔錯嘅選擇啊！