漁匠料理 (已結業)

住喺上水梗係要試下呢間日本料理啦。上水其實都有幾間日本嘢食，而我哋最鍾意呢就係漁匠，因為呢間夠多正評。因為朋友都幾鍾意食拉麵，咁就試咗呢個 海鮮拉麵， 食落就覺得呢個拉麵味道不過不失啦，同出面食嘅拉麵差唔多味道，而佢嘅配料又唔算話好多。所以嚟依度食都係揀番壽司刺身好，因為貪佢夠新鮮又抵食。 牡丹蝦同三文魚壽司都夠新鮮好味。呢個 芒果火山沙律係呢度嘅招牌菜，所以係必食嘅推介。入面有好多魚生有蟹子有牛油果，仲有蔬菜咁，好大兜好抵食。埋單雖然唔算話好平，大概兩個人三百零蚊，但係相比起其他市區嘅日本餐廳料理，呢個價已經係物超所值。