畢打奧餐廳

营业中

休息中

上水呢間畢打奧餐廳已經有幾十年歷史，餐廳環境好有氣氛，內有好多張吧枱，好適合三五知己嚟食飯飲酒，以西餐嚟講價錢好合理，份量仲好足，難怪晚飯時間門口大排長龍🔸羅宋湯、忌廉湯紅白各點一碗，用餐包點嚟食非常滋味🔸洋蔥焗美國生蠔 $69生蠔都幾大隻，算重蠔味，洋蔥切成幼粒，增添風味🔸新西蘭西冷牛扒 $159塊扒都幾厚切，切開顏色粉嫩，賣相好靚，伴菜可以揀返、意粉或者薯菜！薯菜係有薯角同西蘭花，伴上黑椒汁好惹味！🔸燒德國咸豬手 $159豬手大大隻，外層做到又香脆又煙韌，咬落肉質嫩滑，咸香味道重！份量都幾勁，食哂都好夠飽！呢份揀咗意粉伴蒜蓉汁！