飯舍 (已結業)

同媽咪買完餸返屋企見到熟食中心有間兩餸飯好多選揀，我突然又想食，媽咪就話索性唔煮係到食埋😝兩餸飯$38 (花菜炒牛肉&黑醋骨)椰花菜同牛肉份量都好多，椰花菜爽甜，牛肉口感煙韌。黑醋骨酸甜味好突出，超入味，啖啖肉都食到黑醋味！好正😆三餸飯$44(豉汁蒸排骨&冬瓜豆卜炆火腩 &娃娃菜)豉汁蒸排骨嘅豉汁好香，排骨肉入口鬆軟。冬瓜豆卜炆火腩嘅冬瓜豆卜都好索汁，火腩油質分佈平均，又有大大舊肉食。跟住叫多個清甜娃娃菜，有肉有菜又有飯🤤咁又一餐。估唔到仲有奉送例湯，係自己煲嘅，特別滋潤✨仲有得外賣，最後再加多個飯比爹哋收工返屋企食😆