御八築地 (已結業)

好耐好耐黎過一次，今次又同朋友黎食好野 甘蝦刺身&三文魚刺身甘蝦幾新鮮，唔腥又有蝦既甜味三文魚係厚切既，仲食到有三文魚油好肥美 炸芝士年糕我同朋友都怕熱，攤左一陣先食，一咬落去⋯嘩！個芝士心竟然仲係流質狀態，真正外脆內軟，正正子！ 燒牛肋骨串燒（好似係） 熱辣辣外表又夠香口，咬入去又保留到肉汁喎！醃得幾入味，少少辣的確唔錯 黃金魷魚軍艦&火龍卷軍艦好足料，壽司飯都拿揑好好唔會好酸！最鍾意個火龍卷，d蟹籽多到每夾一件都會山崩XD黎到上水一定試下啊！