影片
更多
2013-04-01
11 浏览
12月1日, 上次嚟諗住用個團購卷, 點知未到日子, 今日就真係食個認真嘅, 座位唔多, 所以都要等一陣~ 睇完個menu, 都好似甜食比較特別, 我地就分別叫咗個拿破崙同窩夫~::: 香蕉朱古力榛子醬拿破崙 ::: $33賣相精緻, 一層一層嘅酥皮, 夾著一粒一粒嘅榛子慕司醬球, 面頭嘅香蕉片加上糖粉微微炙過, 外圍又再灑一d朱古力粒, 令人食慾大增~ 酥皮香脆得嚟唔韌, 好易就切得開, 咬口十分鬆脆, 撈埋中間嗰d榛子醬更加美味, 榛子味唔係太甜好易入口, 質地又夠滑嫩, 塗滿喺塊酥皮上再食夠晒滋味~ 香蕉有微微嘅焦糖香, 雖然唔係咩靚貨但係都有心思, 唔錯~ 但係最格格不入道係個d朱古力粒, 作為點綴ok, 不過味道唔係太夾個拿破崙, 就咁食就ok 囉, 但唔需要擺喺呢個dish作為材料之一.::: 檸檬脆糖窩夫 ::: $39平時食嘅窩夫大多都係配糖漿, 又或者朱古力醬呢d偏甜嘅醬汁, 又或者配上甜甜嘅雪糕~ 呢個檸檬脆糖個味道就係偏酸, 令我有一種怪怪嘅感覺, 一舊舊嘅脆糖咬落好硬, 絕對唔可以整散佢配窩夫一啖啖食, 所以一大舊甜野放入口, 好甜好甜, 又帶檸檬嘅酸味… 唔計
::: 香蕉朱古力榛子醬拿破崙 ::: $33
賣相精緻, 一層一層嘅酥皮, 夾著一粒一粒嘅榛子慕司醬球, 面頭嘅香蕉片加上糖粉微微炙過, 外圍又再灑一d朱古力粒, 令人食慾大增~ 酥皮香脆得嚟唔韌, 好易就切得開, 咬口十分鬆脆, 撈埋中間嗰d榛子醬更加美味, 榛子味唔係太甜好易入口, 質地又夠滑嫩, 塗滿喺塊酥皮上再食夠晒滋味~ 香蕉有微微嘅焦糖香, 雖然唔係咩靚貨但係都有心思, 唔錯~ 但係最格格不入道係個d朱古力粒, 作為點綴ok, 不過味道唔係太夾個拿破崙, 就咁食就ok 囉, 但唔需要擺喺呢個dish作為材料之一.
::: 檸檬脆糖窩夫 ::: $39
平時食嘅窩夫大多都係配糖漿, 又或者朱古力醬呢d偏甜嘅醬汁, 又或者配上甜甜嘅雪糕~ 呢個檸檬脆糖個味道就係偏酸, 令我有一種怪怪嘅感覺, 一舊舊嘅脆糖咬落好硬, 絕對唔可以整散佢配窩夫一啖啖食, 所以一大舊甜野放入口, 好甜好甜, 又帶檸檬嘅酸味… 唔計個醬, 窩夫本身好脆口, 蛋味豐富亦帶燶香, 係食過咁多窩夫比較好食嘅~ 加上雲呢拿雪糕球質地滑溜, 睇得到有粒粒雲呢拿籽,都似係中高級貨色, 配窩夫食有齊冷熱感, 唔同嘅口感一次過體驗晒~
今次嘅認真食, 感覺拿破崙比窩夫好味, 賣相都係個拿破崙贏晒~ 尤其個榛子醬, 味道調製得剛好, 水準屬中上~ 環境唔算好寬廣, 座位係有d窄, 畢竟成間舖都係細, 要擺20多個座位有難道. 見佢地有d咸食, all day breakfast呀炸雞翼呢d小食等等, 所以下次有機會都會再食~
张贴
