HOKO Farm (已結業)

揾食肥華年過花甲，錢就冇，長者有嘅三高病痛就有晒，所以特別重視能夠一家人，齊齊整整食一餐做節飯嘅家庭敍會，10月23日正值重陽節，難得大細仔仔都可以抽空，陪肥華及靚媽食一餐做節晚飯，而肥華知，大仔仔鍾意食扒，食肉，細仔仔就想食生蠔，而佢嘅女朋友及靚媽都喜愛食沙律，所以肥華就選擇咗呢間，可以滿足大家要求，及交通方便嘅餐廳食呢個，重陽節晚飯，而此餐廳肥華和靚媽之前都食過午飯，食品雖非突出但仍算可以，所以肥華今餐本來冇諗住，呢餐會寫食評，衹求一家人開開心心食餐做節飯就收貨，但今餐此間餐廳所提供嘅食物，肥華越食越扯火，由頭盆到主食都係劣食，全餐最出色嘅就係嗰枝，無限添飲嘅白開水，令肥華要寫食評，俾個劣評佢，以後此店肥華絕不會，再光顧🙅‍♂️👎🙅‍♂️👎🙅‍♂️👎