一休(居食屋)日本料理 (38廣場)

营业中

休息中

朋友介紹依間，日式簡約居酒屋格局，話抵食坐得舒服。所以嚟試吓。用QRcode下單。不過有餐牌睇，好多美食，樣樣都好好味咁。鹽燒油甘魚鮫，$88。淋上檸檬汁令魚肉變得清爽又香口，無魚刺，啖啖肉。珍寶牛肉壽喜燒，98。牛肉嫩滑，味道剛好，連配菜都甜甜的入哂味。三文魚海膽飯，加12蚊升級加拿大海膽，$110。睇顏色咁靚已經口水流。海膽肥潤鮮美，味道濃郁，配埋飯放入口食，獨特嘅海膽味係口中擴散，勁正。三文魚稍為薄切，不過都非常鮮味。朋友無介紹錯。好彩我哋早嚟，過一陣就已經差唔多滿座。