孖啡 (已結業)

早前已在openrice看到孖啡的食評唔錯，啲食物相望落都ok，一路想揾日試下。但礙於佢門面好似麻麻，所以一直未去試，直到今日...今日要去旺角買野，位置就響孖啡附近，而且openrice可以book枱，咁就去試下啦。上到去，環境真係一般，而個餐紙盒就封曬塵，印象已經扣左分！坐低叫野食，原本打算叫一份set，加個小食。點知原來每位都要加杯飲品的🤷‍♀️咁我兩個人就叫左一份卡邦尼意粉配荔枝綠茶、黑松露薯條、紅苺果冰茶。先黎兩杯飲品，杯荔枝綠茶普普通通，而杯紅苺果冰茶就成杯藥水味咁😞黑松露薯條個醬偏酸，冇乜黑松露味。而卡邦尼意粉就普通，煙肉又冇乜味咁☹️