影片
更多
2022-09-23
98 浏览
“木船”顧名思義係木製嘅船。呢間餐廳外表就無咩特別，但係原來一入去，就好似登上木船咁，環境設計幾特別，有木船造型，主打木色嘅顏色，仲有多幅掛畫，吊燈，令人坐得幾舒服。餐牌嘅食物選擇都幾多，但飲品就唔算多，冇平時泰式特飲嘅物物冰，可能係貴精不貴多啦。汁燒穀飼牛肉飯配青木瓜沙律加溫泉蛋。開頭以為木瓜沙律同溫泉蛋係二揀一，但原來係有齊哂兩樣嘢。上枱時呢碗飯好似小山丘咁，好吸引，真係要相機食先。 汁燒穀飼牛肉薄切，易咬唔嚡口。燒汁幾香，微甜，配合埋流心蛋汁拌飯食，一流。如果溫泉蛋再大隻啲，蛋汁再多啲就更好了。青木瓜絲唔酸，韌韌的，減少油膩感。跟飯嘅冬陰功湯，紅紅油光，以為好辣，但原來唔似飲開嘅冬陰功湯，酸酸辣辣，仲帶點甜味，幾得意喎。另外叫左地道小食，街頭豬柳串，好香炭燒味，個汁好惹味，豬柳鎖住肉汁，一咬，肉汁同油香都衝哂出黎，好好味。炸蝦餅同絲網春卷，唔會油膩膩，香脆可口。食咁多脆卜卜嘅美食，2杯特飲都唔夠喉，返家要飲埋涼茶先得啦
餐牌嘅食物選擇都幾多，但飲品就唔算多，冇平時泰式特飲嘅物物冰，可能係貴精不貴多啦。
汁燒穀飼牛肉飯配青木瓜沙律加溫泉蛋。開頭以為木瓜沙律同溫泉蛋係二揀一，但原來係有齊哂兩樣嘢。上枱時呢碗飯好似小山丘咁，好吸引，真係要相機食先。 汁燒穀飼牛肉薄切，易咬唔嚡口。燒汁幾香，微甜，配合埋流心蛋汁拌飯食，一流。如果溫泉蛋再大隻啲，蛋汁再多啲就更好了。青木瓜絲唔酸，韌韌的，減少油膩感。跟飯嘅冬陰功湯，紅紅油光，以為好辣，但原來唔似飲開嘅冬陰功湯，酸酸辣辣，仲帶點甜味，幾得意喎。
另外叫左地道小食，街頭豬柳串，好香炭燒味，個汁好惹味，豬柳鎖住肉汁，一咬，肉汁同油香都衝哂出黎，好好味。炸蝦餅同絲網春卷，唔會油膩膩，香脆可口。
食咁多脆卜卜嘅美食，2杯特飲都唔夠喉，返家要飲埋涼茶先得啦
张贴
