影片
更多
2016-01-09
1760 浏览
「維持著我意志的，不是仇恨，是希望。」當喺香港每日忙碌嘅工作入面，連飲杯水嘅時間都無，你有時會係到諗食到一餐豐富晚餐其實已經唔錯，結果琴晚我同朋友搵到一間以火車/旅遊做主題嘅餐廳，在車廂食咗一個好正嘅晚餐，好彩去到都有位。入到餐廳首先吸引我的不是餐牌，竟然係掛在餐廳牆身嘅電視。問了幾句就知道原來老闆鐘意去旅行，好似話將去歐洲搭火車嘅風景全程錄影，令到你真係好似坐係車廂入面。（好少會讚餐廳裝修，但呢間真係非常正。）慢煮三文魚：大廚將三文魚扒低溫慢煮，煮至緊熟令到營養，原味不會流失，最後應該將魚皮煎脆，令口感更有層次。而食落去第一啖，真係堅好味，魚肉嫩滑多汁，嫩到放入口裡會自然溶化。白酒煮蜆&法式多士：呢到菜我只可以講大廚揀蜆揀得好，因為隻隻蜆都好大隻同飽滿，食得出有海鮮嘅鮮味，而且將佢個多士加埋白酒汁一齊食好夾。啤酒烤石斑魚（好似係）：首先食咗佢右手邊嘅蘋果沙律，本身都飽飽地，但食完呢個酸酸甜甜開胃沙律可以繼續食，而炸魚食落去好奇怪...佢一啲都唔乾仲有少量肉汁，而呢個菜真係好飽肚，同朋友食咗好耐先食得哂，好滿足呀！
當喺香港每日忙碌嘅工作入面，連飲杯水嘅時間都無，你有時會係到諗食到一餐豐富晚餐其實已經唔錯，結果琴晚我同朋友搵到一間以火車/旅遊做主題嘅餐廳，在車廂食咗一個好正嘅晚餐，好彩去到都有位。
入到餐廳首先吸引我的不是餐牌，竟然係掛在餐廳牆身嘅電視。問了幾句就知道原來老闆鐘意去旅行，好似話將去歐洲搭火車嘅風景全程錄影，令到你真係好似坐係車廂入面。（好少會讚餐廳裝修，但呢間真係非常正。）
慢煮三文魚：大廚將三文魚扒低溫慢煮，煮至緊熟令到營養，原味不會流失，最後應該將魚皮煎脆，令口感更有層次。而食落去第一啖，真係堅好味，魚肉嫩滑多汁，嫩到放入口裡會自然溶化。
白酒煮蜆&法式多士：呢到菜我只可以講大廚揀蜆揀得好，因為隻隻蜆都好大隻同飽滿，食得出有海鮮嘅鮮味，而且將佢個多士加埋白酒汁一齊食好夾。
啤酒烤石斑魚（好似係）：首先食咗佢右手邊嘅蘋果沙律，本身都飽飽地，但食完呢個酸酸甜甜開胃沙律可以繼續食，而炸魚食落去好奇怪...佢一啲都唔乾仲有少量肉汁，而呢個菜真係好飽肚，同朋友食咗好耐先食得哂，好滿足呀！
张贴
