今次試咗串燒同小食，食到飽人均約 $400，另外仲有omakase選擇 $580。三黃雞系列選擇特別多，由雞掌心肉、雞蠔、雞尾、雞中翼到背肉都有！！！其中三黃雞腿肉最叫人滿足，嫩滑多汁，外皮微焦，入口充滿肉香。限定嘅無骨雞翼尖亦幾特別，口感細嫩。熟成特上鴿皇胸腿肉就係成晚亮點，濃香 juicy，帶點野味感覺。
荔枝豚肉卷果香同油脂混搭，甜而不膩；汁燒鮮雞肝內裡綿滑，味道濃厚。烤玉米同鳳梨則清甜爽口，平衡咗串燒嘅濃烈風味。最後上枱嘅明太子燒飯團外脆內糯，鹹辣交織，簡單卻很滿足
特濃雞白湯烏冬，端上枱時熱氣蒸騰，湯色濃白，入口有雞骨鮮甜，暖胃又飽肚，係成晚一個舒服嘅收尾
新店火候同上菜節奏仲有少少磨合，但食材新鮮，選擇夠多，三黃雞同鴿皇表現特別突出。餐廳仲話之後會加推更多熟成雞肉部位，值得期待。係一間可以同朋友坐低慢慢食、慢慢傾嘅地方
—
𖠿𖥣 雞熟成
〒 銅鑼灣逸園中心
—
