影片
更多
2021-12-23
948 浏览
Soho區摩登中菜廳 口利福 返黎啦！新裝潢 新大廚 新菜式 新招財貓~ 餐廳裝潢華麗雅致，播住六十年代嘅懷舊金曲，相當有feel~ 估唔到平日都超爆滿！店員相當熱情，會五六七個staff一齊唱生日歌，超有氣氛！係慶祝生日嘅好地方！食到最後仲有fortune cookie~▪️Chiuchow Marinated Clams, Garlic, Chili, Coriander $168潮式浸蜆 排得勁靚！蜆細細隻，鮮甜無沙。加埋香蒜 辣椒 芫荽，有少少泰式醬汁嘅感覺。蒜香得黎唔會太重，仲食到蜆嘅鮮味。▪️Salt & Pepper Tofu, Crispy Garlic $108椒鹽金磚豆腐 一上枱超香！豆腐外脆內軟唔油膩，調味到位。不過脆皮就未算食過之中最薄嘅，豆腐亦唔夠滑嫩。▪️Kurobuta Pork Cha Siu, Honey-Glazed & Charcoal-grilled $268閃令令嘅炭火蜜汁黑豚叉燒 不得了！肉質軟腍有咬口，炭火香氣十足。肥膏比例對我黎講 簡直係完美 三分肥七分瘦，油脂香不得了~▪️Double-Steamed Broth, Old Chicken, A
新裝潢 新大廚 新菜式 新招財貓~ 餐廳裝潢華麗雅致，播住六十年代嘅懷舊金曲，相當有feel~ 估唔到平日都超爆滿！
店員相當熱情，會五六七個staff一齊唱生日歌，超有氣氛！係慶祝生日嘅好地方！食到最後仲有fortune cookie~
▪️Chiuchow Marinated Clams, Garlic, Chili, Coriander $168
潮式浸蜆 排得勁靚！蜆細細隻，鮮甜無沙。加埋香蒜 辣椒 芫荽，有少少泰式醬汁嘅感覺。蒜香得黎唔會太重，仲食到蜆嘅鮮味。
▪️Salt & Pepper Tofu, Crispy Garlic $108
椒鹽金磚豆腐 一上枱超香！豆腐外脆內軟唔油膩，調味到位。不過脆皮就未算食過之中最薄嘅，豆腐亦唔夠滑嫩。
▪️Kurobuta Pork Cha Siu, Honey-Glazed & Charcoal-grilled $268
閃令令嘅炭火蜜汁黑豚叉燒 不得了！肉質軟腍有咬口，炭火香氣十足。肥膏比例對我黎講 簡直係完美 三分肥七分瘦，油脂香不得了~
▪️Double-Steamed Broth, Old Chicken, Aged Ham, Dried Scallop $88
老雞火腿瑤柱燉湯 超多料！除左老雞、瑤柱，仲有螺肉，入口相當清甜。
▪️Steamed Live Razor Clams, Glass noodles, Fried & Aged Garlic, Premium Soy sauce (2 pieces) $228
陳蒜豉油粉絲蒸蟶子皇 大大隻！蟶子蒸得岩岩好，爽口彈牙，唔會太韌太老。就咁配蒜蓉粉絲蒸已經好正，略嫌調味偏重蓋過鮮味。
▪️Crispy Skin Three Yellow Chicken, Sand ginger & Spring onion sauce $268/half
脆皮三黃雞 薄薄嘅雞皮超脆！肉質超嫩滑！食落又唔會覺得好油。旁邊嘅新鮮沙薑蔥蓉 味道較清新，唔似平時嘅咁鹹。美中不足嘅係 對重口味人士而言，雞肉調味偏淡。
▪️Today’s Catch: Whole Fish in Chef’s Choice of Preparation $688
是日魚鮮 雞油花雕蒸馬友 估唔到馬友同雞油花雕咁夾！馬友肉質嫩滑，魚味香濃。馬友油脂豐富跟雞油香氣相得益彰，撈飯食一流。
▪️Stir-Fry King $168
小炒王 有齊清脆韭菜花、韭黃、花生苗、爽彈花枝、脆銀魚仔、長洲生曬蝦乾，口感豐富，甜甜鹹鹹，調味恰到好處。唯獨鑊氣差咁啲。
▪️Prawn Roe Stirred Noodles, Crispy Scallop, Spring Onion & shallot oil $148
蝦籽蔥油撈麵 幾鍾意佢嘅彈牙麵質，面頭仲加左啲脆炸瑤柱絲~
▪️French Toast, Peanut butter, smoked maple $118
黑松露花生醬西多士 最後黎個西多士真係好鬼邪惡。金黃色勁吸引！西多士外層微脆，質地鬆軟唔會好油膩。初初入口會感受到些微黑松露嘅香氣，但隨即被花生醬蓋過。夾層仲有花生粒添，配上煙燻楓糖漿，食落幾得意，唔知點解會有煙肉嘅感覺。
▪️Sheep’s Milk Yoghurt, Dragon Fruit Granita, Pomelo $118
羊奶乳酪配火龍果刨冰及沙田柚~ 乳酪望落都幾厚實，但食落又幾軟滑，奶味濃得黎唔羶。加埋西柚、橙粒、完全唔苦嘅西柚皮、冰感極重嘅刨冰，係口感豐富又清新解膩嘅甜品。
最鍾意都係呢杯招財貓cocktail!
张贴
