影片
更多
2010-04-07
29 浏览
最近食左三間唔同既吉列屋，分別係K11既"銀座梅林"、朗豪坊既"近又"同呢間，呢間係尾站，當中發現三間吉列屋各有特色，體驗到世事真係無完美！ 呢度既定食有炸物、幾片西瓜、麵豉湯、絲切椰菜同飯，而呢度既麵豉湯係普通日式餐廳常見果種，同"銀座梅林"唔同。其中絲切椰菜同飯可refill。 吉列車海老定食：上時好興奮！但咬一啖就好失望…蝦既size大就好大…但蝦既肉質較實又唔爽、既無鮮味亦無蝦味、個吉列層又好厚… 要食大隻蝦出面大把選擇，唔洗係度捱貴蝦… 吉列豬柳併蠔定食：蠔既質素ok無驚喜。豬柳都唔錯好香同鬆，比"銀座梅林"既好！可能豚肉既品種唔同啦，但又無"近又"既甘好。 紫葉沙律汁：呢個幾特別，既有醒胃酸汁，亦有紫菜香味！ 但另外個沙律汁就唔好提… "銀座梅林"、"近又"同"丼吉"既各項大比併！吉列炸漿：由"丼吉"勝出，炸漿最為企身同香脆，但色澤偏深。而"近又"都唔錯，可惜太乾身，會有機會刮損口 炸物 (以豬柳比較)："近又"既最香同鬆，千層豬果然有料到！"丼吉"無"出術"都甘鬆，都係唔錯，證明佢地處理豚肉有自己一手！絲切椰菜：其實質素方面，三間都差唔多，但"近又"既切得最幼細，而
呢度既定食有炸物、幾片西瓜、麵豉湯、絲切椰菜同飯，而呢度既麵豉湯係普通日式餐廳常見果種，同"銀座梅林"唔同。其中絲切椰菜同飯可refill。
吉列車海老定食：上時好興奮！但咬一啖就好失望…蝦既size大就好大…但蝦既肉質較實又唔爽、既無鮮味亦無蝦味、個吉列層又好厚… 要食大隻蝦出面大把選擇，唔洗係度捱貴蝦…
吉列豬柳併蠔定食：蠔既質素ok無驚喜。豬柳都唔錯好香同鬆，比"銀座梅林"既好！可能豚肉既品種唔同啦，但又無"近又"既甘好。
紫葉沙律汁：呢個幾特別，既有醒胃酸汁，亦有紫菜香味！ 但另外個沙律汁就唔好提…
"銀座梅林"、"近又"同"丼吉"既各項大比併！
吉列炸漿：由"丼吉"勝出，炸漿最為企身同香脆，但色澤偏深。而"近又"都唔錯，可惜太乾身，會有機會刮損口
炸物 (以豬柳比較)："近又"既最香同鬆，千層豬果然有料到！"丼吉"無"出術"都甘鬆，都係唔錯，證明佢地處理豚肉有自己一手！
絲切椰菜：其實質素方面，三間都差唔多，但"近又"既切得最幼細，而椰菜仍爽口！最讚！
珍珠米飯：唔洗講，"銀座梅林"既最出色，詳情見該頁面。
沙律汁："近又"既蘋果同青瓜口味最為有特色，兩款都各有fans "丼吉"既紫葉沙律汁都幾特別。
總括而言：睇完各項比較，再考慮埋價錢，都係"近又"最抵！
"銀座梅林" : http://www.openrice.com/gourmet/reviews.htm?userid=157944#review2072083
张贴
