三門仔漁夫火鍋點心專門店 (已結業)

公司遲啲可能去葵涌開分店，我哋部門就一馬當先，去附近視察下場地，我放工就順便周圍睇下有乜食嘢嘅好地方。附近都係民居，唯獨是遠遠就見到呢間三門仔漁夫即係有海鮮食？！店長推薦鹹菜豬肚魚 $198，用鍋上枱，湯底香噴噴，第一眼就見到好大條石斑仔。首先忍唔住要飲碗湯，鹹菜豬肚好鮮味。魚肉鮮嫩多汁，入口柔滑，一條大骨啖啖肉慢慢嘆，由頭食到落尾條魚仍然都係咁鮮美。蒜蓉粉絲蒸貴妃蚌，四隻手掌咁大都係 $192，價錢合理，最緊要就係廚師功夫非常好，味道煮得好，而且吃到食物嘅原汁原味，睇返啲相都滋味無窮，以後公司搬咗過嚟就成日都可以幫襯啦！再嘆番支 jolly shandy, 爽一爽！估唔到最後埋單送埋甜品，色彩繽紛嘅啫喱糖，用冰船送上真係有誠意。