Aurora Fusion Restaurant (已結業)

Happy Friday要食好D!今晚黎到尖沙咀亞士厘道，一早BOOK左Aurora Fusion Restaurant，主打高質西餐同日本菜，好友極力推薦!餐牌選擇種類繁多，包括沙律、小食、主菜、刺身、和牛等。巴馬火腿比爾芝士蘆筍卷充滿鹹香巴馬火腿配鮮甜爽嫩蘆筍，再夾雜口感香濃柔滑比爾芝士，一鹹一淡搭配得剛好，咬落清爽怡人，味道突出有層次，夠哂開胃。串燒拼盤有齊豬肉、雞肉、羊伕、牛肉各兩串，肉質細膩柔嫩，咬落彈牙多汁，啖啖肉夠哂滋味，香口又惹味伴碟附新鮮沙律菜，中和串燒膩口感。三重芝士、辣肉腸焗薯條味道鹹香辣肉腸配濃郁半溶芝士，口感層次豐富，薯條即叫即炸熱辣辣，金黃色澤，焗得香脆可口，超正!特選刺身(竹)件件新鮮，口感極佳。吞拿魚腩肥美，口感腴滑綿密，活北海道帶子鮮甜爽滑，口感豐腴，時令海膽清甜無比，口感柔軟奶滑，油金魚腩紮實爽口，油脂夠肥美，三文魚腩肉質細緻口感肥嫩，牡丹蝦晶瑩透亮，鮮甜彈牙。店員面帶笑容且態度殷勤熱情，加水、收碟動作迅速，食材新鮮又用心製作，值得推薦!