滿小館 (已結業)

位於尖東嘅中菜廳「滿小館」位置極方便菜式選擇極多，有港式燒味、鑊氣小炒、特式甜品等等。呢個月再次回訪，試下有咩新菜式先🤩✦ 冰鎮串串荔枝串串茄前菜有多款冷盤提供，我哋就揀咗串串茄。首先先讚一讚車厘茄已經去皮👍🏻非常細心炎炎夏日，食呢款前菜真係可以降降溫每粒車厘茄帶點清香荔枝味道，可以清清味蕾先食主菜，推介試試😋✦ 小館鴛鴦叉燒皇(蜜糖+柚子)滿小館燒味選擇亦非常多，作為叉燒控，當然要試一試。蜜糖叉燒同平時食嘅蜜汁叉燒味道非常相近，至於柚子叉燒上面鋪滿柚子醬，甜而不膩。叉燒呈半肥瘦，有些少肥肉，好滋味。✦ 脆皮豬手伴椰菜脆手豬手通常食西餐先會有，但中菜廳滿小館都有提供呢款菜式。豬手炸得外脆內軟，肉質好嫩滑，配芥末醬及泰式甜辣醬。我哋就偏好泰式甜辣醬，伴椰菜好爽口。✦ 金銀蛋浸時蔬有香菜仔、蒜粒、鹹蛋黃和皮蛋呢款簡單家常小菜，配清甜嘅上湯，不錯的。