影片
更多
2016-09-21
782 浏览
被一個好有日本店feel既門面吸引下，就梗係要試一試，但係係尖沙咀食飯時間都無乜人幫襯，應該都唔係好掂！（你睇澳牛就知，香港人俾人鬧都要排哂隊，都係為食一個炒得幾好既炒蛋。）就入去試試先。 不需等位直入，爽。呢間店以放題形式加多$38可以有埋燒爐，今次就唔加$38住，如果好食再嚟都未遲。環境寬敞有一個日式吧枱，卡位多數係燒爐，飲品清酒汽水十多款，雪糕兩大牌子Movenpack & Hagen-Dazs 5款口味（識食梗係Movenpack)。 120分鐘開始！放題都係嗰啲啦A-J點菜紙，首先梗係點左刺身先，之後佢送每人一只長腳蟹腳，頂！完全唔凍既，好在佢兜冰夠大兜，即刻埋住佢先遲啲先食。等左十五分鐘先有刺身，喂！太慢啦。又唔多人上菜咁慢，你睇啲店員都係慢慢做，可能之前間鋪唔係食放題，係正宗料理做唔掂，而家改造放題，喂！你唔限時我理得你慢慢來，喂！而家限時你梗要頭單快。未食剩係觀察店營運方法，我敢講我做呢度大佬，可以提升50%營業額，但係食完請我都唔願做！ 刺身唔掂，完全
不需等位直入，爽。呢間店以放題形式加多$38可以有埋燒爐，今次就唔加$38住，如果好食再嚟都未遲。環境寬敞有一個日式吧枱，卡位多數係燒爐，飲品清酒汽水十多款，雪糕兩大牌子Movenpack & Hagen-Dazs 5款口味（識食梗係Movenpack)。
120分鐘開始！放題都係嗰啲啦A-J點菜紙，首先梗係點左刺身先，之後佢送每人一只長腳蟹腳，頂！完全唔凍既，好在佢兜冰夠大兜，即刻埋住佢先遲啲先食。等左十五分鐘先有刺身，喂！太慢啦。又唔多人上菜咁慢，你睇啲店員都係慢慢做，可能之前間鋪唔係食放題，係正宗料理做唔掂，而家改造放題，喂！你唔限時我理得你慢慢來，喂！而家限時你梗要頭單快。未食剩係觀察店營運方法，我敢講我做呢度大佬，可以提升50%營業額，但係食完請我都唔願做！
刺身唔掂，完全無鮮味，唯赤蝦同赤貝可以，係啲刺身雪左好耐下等貨，冰完食番隻長腳蟹一樣完全係雪味。唯一賣相不錯。壽司叫左安格斯牛肉，叫可以有番啲鮮味，但係有筋，海膽丶軟殼蟹丶鵝肝都係得小少餡料。有人推介話食嗰個築地沙律，一食徹頭徹尾一兜雜魚好似食腐屍咁樣。串燒，唯獨蝦其他都係無鮮味。炸物，就有一個叫榴槤炸彈又幾香喎，呢個推介。
好彩冇加$38食燒烤，相信都係唔掂。$315一個食呢啲，好過佢丶平過佢大把，所以香港人真係好識食，無人幫襯係有原因架！我敢講不足兩年會執笠，可惜係有一個好既殼，無一個好既餡。
***係度俾個貼士老闆，尖沙咀遊客睇門面，連遊客一次過既生意都做唔到？諗諗計啦！
张贴
