影片
更多
2020-09-27
2994 浏览
屯門三聖邨出名食海鮮，其實都有好多唔同食法，大部份都會喺三聖對開嘅海鮮街買咗海鮮，再拎去酒樓或餐廳加工，咁樣就可以比較有較高嘅彈性，可以揀自己認為新鮮嘅海鮮，想食乜都可以自己買呢間酒樓係我推介俾大家，位於三聖邨商場最高嗰層，除咗環境裝修OK，最重要係佢加工嘅海鮮都整得好好食，所以一定會推介俾大家唔好睇佢依家好似冇乜人咁，就算平日，一到食飯晚飯時間，都真係坐滿好多枱人㗎，由於而家疫情關係，所以大家坐得更加舒服，因為要有一個社交距離，所以都唔錯㗎唔好講咁多，介紹一下今晚啲嘢食先，全部海鮮都係界外買返嚟，所以基本上都係好新鮮，主要介紹吓佢整得好唔好同埋佢嘅食法！白灼鮮蝦，呢個就整得唔錯，因為佢嘅火候控制得好，簡簡單單，你當佢係前菜又得，當佢係一個主食又得酥炸鮑魚！黎得食海鮮，都想食啲不平凡的，今晚我哋揀咗鮑魚，最主要係因為呢間酒樓嘅招牌菜及食法，就係呢個脆炸酥炸鮑魚！淨係睇相都覺得吸引啦，而且一啲都唔簡單呢個煮法，真係唔係度度都有，呢度就做得非常好，難怪佢係招牌，佢將鮑魚揸得非常香脆可口，外脆內軟，出面酥炸可口，入面爽口彈牙，確實非常出色！蒜蓉粉絲蒸扇貝，呢個唔使多介紹啦，今晚我哋三個人，就
呢間酒樓係我推介俾大家，位於三聖邨商場最高嗰層，除咗環境裝修OK，最重要係佢加工嘅海鮮都整得好好食，所以一定會推介俾大家
唔好睇佢依家好似冇乜人咁，就算平日，一到食飯晚飯時間，都真係坐滿好多枱人㗎，由於而家疫情關係，所以大家坐得更加舒服，因為要有一個社交距離，所以都唔錯㗎
43 浏览
1 赞好
0 留言
唔好講咁多，介紹一下今晚啲嘢食先，全部海鮮都係界外買返嚟，所以基本上都係好新鮮，主要介紹吓佢整得好唔好同埋佢嘅食法！
白灼鮮蝦，呢個就整得唔錯，因為佢嘅火候控制得好，簡簡單單，你當佢係前菜又得，當佢係一個主食又得
34 浏览
1 赞好
0 留言
酥炸鮑魚！黎得食海鮮，都想食啲不平凡的，今晚我哋揀咗鮑魚，最主要係因為呢間酒樓嘅招牌菜及食法，就係呢個脆炸酥炸鮑魚！淨係睇相都覺得吸引啦，而且一啲都唔簡單
34 浏览
2 赞好
0 留言
呢個煮法，真係唔係度度都有，呢度就做得非常好，難怪佢係招牌，佢將鮑魚揸得非常香脆可口，外脆內軟，出面酥炸可口，入面爽口彈牙，確實非常出色！
12 浏览
1 赞好
0 留言
蒜蓉粉絲蒸扇貝，呢個唔使多介紹啦，今晚我哋三個人，就每人一隻啦，扇貝大大粒，上面嘅粉絲及蒜蓉份量都幾多，而且火候控制啱啱好，一啲都唔乾身！
13 浏览
1 赞好
0 留言
今晚我哋揀嘅聖子非常新鮮大隻，大家睇吓，就算煮完出嚟，都仍然咁大隻，真係冇揀錯
我哋就揀咗豉椒炒聖子，因為比較好味，而且都係一般嘅食法，入面嘅醬汁完全吸收晒，所以食落非常 Juicy！
18 浏览
1 赞好
0 留言
呢個如果係生蠔控嘅話，一定要叫，我哋當晚買咗美國筒蠔，我哋就揀咗砵酒焗生蠔，原來係咁好味㗎，出面整到脆口嘅生蠔，帶有一啲硬邊，出面可以講係都幾脆口，而入面個口感仍然 Juicy，一啲都唔腥之餘，仲好有醬汁味道，真係唔鍾意食蠔嘅朋友都會愛上佢！
18 浏览
1 赞好
0 留言
清清地，點都要叫碟菜嘅，我哋就揀咗蒜蓉炒西蘭花，簡簡單單，都幾唔錯㗎
31 浏览
1 赞好
0 留言
最後，酒樓仲送咗三件桂花糕俾我哋做甜品，味道都做得好唔錯，非常清新，真係為今餐海鮮餐畫上一個完美嘅句號
37 浏览
0 赞好
0 留言
呢個係我哋今晚嘅落單紙，酒樓會記低我哋買咗幾多及乜嘢海鮮，甚至乎我哋所選擇嘅食法都會做紀錄，以便計數，因為呢度都會計返每款海鮮嘅加工費，價錢都可以接受㗎
重點係呢間酒樓坐得舒服，水滾茶靚，店員嘅服務態度都好好，所以真係值得推介一下俾大家
张贴
