時代冰室 (One Madison) (已結業)

睇戲前打算食個快飯，見唔多人等位就決定食呢間。常餐 - 招牌沙嗲牛麵 $50沙嗲牛麵可以揀配炒蛋同丹麥多士或者火腿奄列同牛角包。奄列味道偏淡，可以自行落鹽調味，裡面嘅火腿都唔少。而沙嗲牛麵都係一樣，湯同牛肉味道都好淡。王牌 · 生炸雞髀配西多士 $36雞髀感覺炸得太耐，啲肉已經炸到好乾，食落都好硬。而西多士就正常，表面有炸到金黃色，裡面有搽咗花生醬，味道都幾濃。蔥油厚切豬扒伴三眼煎蛋飯 $59呢個飯係有驚喜嘅，一上枱就聞到好香。豬扒好大塊，而且啲肉好嫩，脂肪部分都比較少，唔會好油膩。煎蛋煎到啱啱好，唔會太熟，再配埋蔥油同甜醬油食，真係好夾。總括嚟講，食物質素都比較參差，下次可能試返飯類會好啲。