食三田要排隊就一定架啦，不過佢就好貼心，大熱天時排隊佢就擺咗啲凍麥茶俾你，一邊飲慢慢排。
排左差唔多半粒鐘，終於排到我啦！
第一次來我就叫咗個濃香豬骨魚介沾麵，仲唔識死加大埋！
另外再叫左個煎餃子同埋自家製炸雞！
煎餃子比較普通，唔食無損失。
炸雞肉身過火偏乾，一般。不過呢兩樣都唔係重點。
主角沾麵，麵身彈牙，個沾汁份量又多，加埋超級濃郁搞到我食唔停口，不覺特大面嘅份量真的不能小虧
我都係啱啱食得晒，最後加埋個豬骨湯落去一齊飲晒佢。飽到HiHi。
我覺得正常人食大麵已經夠。
我呢啲鍾意食肉嘅，覺得加叉燒好過加麵。
超大滿足
-----完-----
