三河屋 (已結業)

夜晚本來諗住係屋企打邊爐...但最終貓爸提議都係出街食...!!選擇左三河屋...今次好彩唔洗等好耐~叫左燒鯊魚蛋芝士...天婦羅烏冬~貓爸就叫左鹽燒鯖魚同埋忌廉吉列豬扒飯...忌廉飯真係好好食...d汁又夠~ 又唔會太溜太 "傑"薯仔又唔會因為煮得耐而淋晒...天婦羅就一向都炸得好好, 粉好薄...d蝦亦都好嫩...烏冬都幾好~鯖魚係貓爸至愛...每次必食...!!魚燒到層皮脆既...而且筷子一插落去仲會有泡泡 (應該係d魚油仲好熱...)魚無"惺"味, 亦無其他怪味...所以我都食到...燒鯊魚蛋芝士...不過麻麻地, 有d"惺"呢...!!食飽飽...抱住個肚返屋企...而家有4個女樓面其中一個阿姐態度唔多好而且成日都好大聲講野...好鬼嘈!!