影片
更多
2022-12-01
1857 浏览
龍景軒貴為米芝蓮三星粵菜食府長期爆滿，可謂一位難求。今次排左一個幾月終於等到平日午市既位置，專程請假黎摘星！位於五星級四季酒店既龍景軒氣派非凡，將維港景色盡收眼底，服務更加係非常周到。當時book位無特別要求坐窗邊，可能係平日關係，餐廳無完全滿座，所以侍應都安排到窗口位比我地，開心！雖然當日天陰陰，但係眼前既美食比景色更為吸引，一D都唔會覺得可惜。♢ 🥗涼拌前菜︰欖菜四季豆調味清爽鹹香，非常開胃！四季豆煮得頗淋，岩哂唔鍾意食太硬四季豆既我。♢ 🥧鮑魚雞粒酥 ($84一件)龍景軒名物，唔食過等於無黎過龍景軒，原隻鮑魚放係撻上面非常震撼！熱辣辣既鮑魚燜得好香，口感軟滑，餐廳仲好貼心咁切成薄片，可見幾細心。鮑魚同撻之間夾左D雞粒，餅底充滿牛油香味，焗得酥脆，口感豐富精彩，果然名不虛傳！♢ 🦞黑松露龍蝦春卷 ($440四件)呢個都係龍景軒必食點心之一，鍾意食黑松露唔可以錯過！呢個春卷黑松露同龍蝦都係主角，相輔相成，黑松露味濃烈得黎又唔會搶過龍蝦肉既爽口鮮味，每一啖都好滋味！♢ 🥟豉汁龍蝦菜苗餃 ($84一件)當日menu無龍太子蒸餃，唯有試下廚師陳恩德推介既呢道點心。平時麻麻地豉汁，但係呢件餃
位於五星級四季酒店既龍景軒氣派非凡，將維港景色盡收眼底，服務更加係非常周到。當時book位無特別要求坐窗邊，可能係平日關係，餐廳無完全滿座，所以侍應都安排到窗口位比我地，開心！雖然當日天陰陰，但係眼前既美食比景色更為吸引，一D都唔會覺得可惜。
♢ 🥗涼拌前菜︰欖菜四季豆
調味清爽鹹香，非常開胃！四季豆煮得頗淋，岩哂唔鍾意食太硬四季豆既我。
♢ 🥧鮑魚雞粒酥 ($84一件)
龍景軒名物，唔食過等於無黎過龍景軒，原隻鮑魚放係撻上面非常震撼！熱辣辣既鮑魚燜得好香，口感軟滑，餐廳仲好貼心咁切成薄片，可見幾細心。鮑魚同撻之間夾左D雞粒，餅底充滿牛油香味，焗得酥脆，口感豐富精彩，果然名不虛傳！
♢ 🦞黑松露龍蝦春卷 ($440四件)
呢個都係龍景軒必食點心之一，鍾意食黑松露唔可以錯過！呢個春卷黑松露同龍蝦都係主角，相輔相成，黑松露味濃烈得黎又唔會搶過龍蝦肉既爽口鮮味，每一啖都好滋味！
♢ 🥟豉汁龍蝦菜苗餃 ($84一件)
當日menu無龍太子蒸餃，唯有試下廚師陳恩德推介既呢道點心。平時麻麻地豉汁，但係呢件餃既豉汁味唔會過於濃烈，配埋龍蝦肉一齊食有另一番體會。龍蝦肉更加唔洗講，啖啖都係貨真價實拆好肉既龍蝦，而且呢件餃既size一D都唔細架，好抵！
♢ 🦀蟹肉小籠包 ($76兩件)
小籠包外形粒粒飽滿，皮薄餡靚又唔易夾穿。先咬一啖小籠包頂部，湯汁味道濃郁清香。入面既蟹肉絲數量絕不手軟，加埋鮮嫩豬肉一齊食，簡直啖啖滋味！
♢ 🐟百合檸香鱸魚餃 ($76兩件)
本來想試蝦籽星斑餃，可惜試唔到。不過呢籠鱸魚餃都相當唔錯，都係陳大廚推薦點心之一。皮薄餡靚，鱸魚煎過後香味十足，啖啖魚肉，非常滿足！
♢ 🦀炸釀鮮蟹蓋 $320
呢道菜好考功夫同心機，要細心咁將成隻花蟹既蟹肉取出。鮮蟹蓋賣相非常吸引，炸至金黃色，麵包糠炸得香脆。破開「蓋」後係滿滿既蟹肉，加上洋蔥同牛奶鮮嫩多汁，味道順口滑溜，配搭得天衣無縫。
♢ 🍚黑椒洋蔥法國乳鴿炒飯
呢道菜為陳大廚推介，反而「龍景軒炒飯」無被推薦，好奇之下就試呢個炒飯啦~ 呢道菜中西合壁，炒飯乾身而粒粒分明，一粒粒乳鴿肉鹹香味十足，加埋其他食材如洋葱﹑香葱﹑蛋漿非常香口惹味！一碟炒飯可以分到4個碗仔，份量都算大方。
♢ 🥜榛子花生酥
點心都有唔少選擇，侍應推薦呢樣鹹點，名符其實既「花生」酥，好有心機！咬下去係濃郁既榛子蓉加花生粒，爽脆可口，就算用左「蓉」都唔會過得太膩。
♢ 🍮伯爵茶西米焗布甸
我地叫多左一樣甜點，相信只係龍景軒先食到。布甸散發住淡淡既伯爵茶香，口感順滑，加埋西米口感更加豐富。
♢ 🧁馬豆糕﹑冬蓉芝麻酥
叫左兩個甜品之後先知原來每人都有一份甜點送，好有驚喜！當然，呢兩件既味道都不及榛子花生酥同伯爵茶西米焗布甸咁正。
值得一讚既係龍景軒服務相當好，侍應不斷過黎幫忙添茶，又會介紹下menu有咩特別，問下我地覺得質素如何。
龍景軒以三星標準黎講，午餐食哂點心+小菜+甜品連茶位加一都係人均$1,000，仲要用左好多上等食材︰龍蝦﹑蟹肉﹑黑松露，性價比好高！龍景軒既點心同海鮮最為出名，將咁上等矜貴既食材放係點心到，能夠做到如此出神入化，相信只有龍景軒先可以達到登峰！因為今次係平日過黎，點心無假日menu咁多選擇。今次有少少遺憾試唔到D出名既點心，例如龍太子蒸餃﹑蝦籽星斑餃﹑龍帶玉梨香等等，又有藉口下次再訪~！
张贴
