Amici (已結業)

在朗豪坊行完街之後, 想搵個地方坐低, 飲下啤酒同睇下波, 當時第一時間就諗, 過去太子或者TST都有啲遠, 但係好彩我朋友算窿路, 就話朗豪坊都有酒吧, 唔駛去咁遠。間餐廳係頂樓, 樓底夠高, 環境幾舒服, 啱晒睇波...去得睇波, 當然唔少得啤酒啦, 同埋咁啱係晚飯時間, 肚餓就當然要食啲飽肚嘅野食, 咁食叫左個三文魚pizza。呢個pizza真係無得頂, 第一, 出面嗰啲XX Hut完全係無得揀三文魚做配料, 非常特別, 魚肉亦非常嫩口; 第二, 佢啲芝士好鬼多, 鋪滿晒成塊pizza, 一啲都唔會孤寒; 第三, 平時其他餐廳嗰肉碎香腸pizza就好鬼肥膩, 不過可能係個pizza係用魚肉做topping, 所以一啲都唔油膩, 食得健康啲~~Overall rating, 個pizza 我會比8分, 鍾意食唔同花款pizza嘅朋友仔, 可以選擇黎呢個BAR~