影片
更多
2010-06-05
15 浏览
終於都兌o左下星期去韓國的韓圜，幸好仗打不成而匯率又低番，是bonus呢﹗早前已聽食家講想再來呢度食o下，今晚難得在尖咀時間尚早就來開餐﹗一別已三年，三年也沒變，都是老模樣，簡約而家庭式的格局，就是幾張枱枱凳凳，不迫狹，地方尚算整理。不少食客話呢間店好難搵，其實只要走進香檳大廈就有指示牌，落一層便是了，不過要一提係呢間野收不到電話，要約人左等右等的話必定中招，就如今天本來仲有個老友來一起吃，點知佢唔識路想打俾我卻收唔到，最後無得食﹗價錢好似同三年前的一樣，我要了茄蛋麵$24，而食家就要了雞絲茄通。等五分鐘就有得食喇，蕃茄醬色澤鮮紅，濃稠稠的鋪滿整個碗，再加上鮮黃色的炒蛋，異常吸引，真係唔食得都一定睇得。看得見的大量茄肉，茄味清清的，入口味道甜美，應是下了糖來調調味吧，蕃茄掛在麵上同吃，很清新﹔見廚房用麵是出前一丁，當然比用普通即食麵餅好吃。食家也覺得味道是甜了點，不過也一起感到愜意，廿幾蚊個麵食得開心，還有什麼好批評。連湯連麵食哂，份量岩岩好，感覺健康，笑住走人﹗
早前已聽食家講想再來呢度食o下，今晚難得在尖咀時間尚早就來開餐﹗
一別已三年，三年也沒變，都是老模樣，簡約而家庭式的格局，就是幾張枱枱凳凳，不迫狹，地方尚算整理。
不少食客話呢間店好難搵，其實只要走進香檳大廈就有指示牌，落一層便是了，不過要一提係呢間野收不到電話，要約人左等右等的話必定中招，就如今天本來仲有個老友來一起吃，點知佢唔識路想打俾我卻收唔到，最後無得食﹗
價錢好似同三年前的一樣，我要了茄蛋麵$24，而食家就要了雞絲茄通。
等五分鐘就有得食喇，蕃茄醬色澤鮮紅，濃稠稠的鋪滿整個碗，再加上鮮黃色的炒蛋，異常吸引，真係唔食得都一定睇得。
看得見的大量茄肉，茄味清清的，入口味道甜美，應是下了糖來調調味吧，蕃茄掛在麵上同吃，很清新﹔見廚房用麵是出前一丁，當然比用普通即食麵餅好吃。
食家也覺得味道是甜了點，不過也一起感到愜意，廿幾蚊個麵食得開心，還有什麼好批評。
連湯連麵食哂，份量岩岩好，感覺健康，笑住走人﹗
张贴
