影片
更多
2018-04-18
262 浏览
以前去鯉魚門食海鮮，淨係諗到芝士龍蝦、薑蔥炒蟹、蒸鮑魚原來宜家仲可以去食日本浜燒刺身吖!前排搭船去鯉景灣就發現旁邊有間日式海鮮餐廳，門口既大魚缸好清澈乾淨，見到皇帝蟹、龍蝦、魚喺度游水添趁住紀念日食好D黎慶祝吓 ~ 去到門口店員帶位前會先擊鼓，示意有客人黎到好特別。我地坐近窗邊位，周不時見到渡輪泊岸，雖然天氣麻麻仲落雨，不過都好有情調吖問吓店員既推介之後去魚缸揀海鮮，種類好多，連少見既鬼瓜螺都有，海鮮都列明來源地，每日由日本運到，而且明碼實價比較有預算~ 我地自己帶左枝sake黎, 店員幫我地座凍。(因為酒牌未續到，所以免開瓶費ga) 季節刺身特選拼盤($388)有池魚王、帆立貝、三文魚、鱆紅魚、吞拿魚 、油甘魚~每款２件，件件厚切，肥美，好新鮮！就連帆立貝都好有海水味～比平日食到既更鮮日本菠菜芝麻沙律($68) 上檯時以為細細份，原來菠菜壓實左都幾多ga ,下面仲有沙律菜, 點少少芝麻醬已經好好味 花竹蝦刺身($158)+浜燒($158) 刺身: 入口肉爽味甜，肉質彈牙，令人點回味。師傅仲會將蝦頭尾炸香,好香脆～ 浜燒: 燒既花竹蝦比較香口, 外殼有鹽香。肉質爽甜肉嫩。不過都係中意做
原來宜家仲可以去食日本浜燒刺身吖!
前排搭船去鯉景灣就發現旁邊有間日式海鮮餐廳，門口既大魚缸好清澈乾淨，見到皇帝蟹、龍蝦、魚喺度游水添
趁住紀念日食好D黎慶祝吓 ~ 去到門口店員帶位前會先擊鼓，示意有客人黎到好特別。
我地坐近窗邊位，周不時見到渡輪泊岸，雖然天氣麻麻仲落雨，不過都好有情調吖
問吓店員既推介之後去魚缸揀海鮮，種類好多，連少見既鬼瓜螺都有，海鮮都列明來源地，每日由日本運到，而且明碼實價比較有預算~ 
我地自己帶左枝sake黎, 店員幫我地座凍。(因為酒牌未續到，所以免開瓶費ga)
季節刺身特選拼盤($388)
有池魚王、帆立貝、三文魚、鱆紅魚、吞拿魚 、油甘魚~
每款２件，件件厚切，肥美，好新鮮！就連帆立貝都好有海水味～比平日食到既更鮮
日本菠菜芝麻沙律($68) 上檯時以為細細份，原來菠菜壓實左都幾多ga ,下面仲有沙律菜, 點少少芝麻醬已經好好味
花竹蝦刺身($158)+浜燒($158) 刺身: 入口肉爽味甜，肉質彈牙，令人點回味。師傅仲會將蝦頭尾炸香,好香脆～
花竹蝦刺身
3 浏览
0 赞好
0 留言
不過都係中意做刺身多d。
宮城縣浜燒帆立貝係我見過最大隻既帆立貝吖。店員燒既時候加左師傅每朝煮既木魚水，作用係帶出帆立貝既鮮味同埋等佢唔會乾~
浜燒馬刀貝唔好睇佢細細隻，好有肉地㗎，仲好鮮味添!
浜燒福岡縣活蠔$68有8隻，真係好驚喜，好肥美、鮮甜。真好想叫多桶添吖!!
浜燒福岡縣活蠔
7 浏览
0 赞好
0 留言
天婦羅拼盤我比較貪心，成日想試多d，拼盤樣樣齊啱哂啦!! 呢個拼盤估唔到咁大份~
大蝦都有3隻吖~
仲有紫蘇葉、茄子 、蓮藕、南瓜、青椒、素麵仲炸起成把扇咁。除左天婦羅汁仲附上黑炭鹽~
我幾中意呢個鹽，帶點礦物味，咸味較輕，撒喺食物上鮮味更突出。炸漿薄薄，好脆口
選材，配搭都好好。
牛舌串燒用左少少黑椒去燒，幾香
雞皮串燒夠乾身，入口脆脆，不乏雞油既香味
安格斯牛肉串
唔過火，keep到入面既肉汁,唔錯 !
見有間房,我仲入去八卦, 店員就介紹一下 ~
牆上既漁港畫係投影左張相再人手畫既, 又係一個好辦法喎 !
原來呢度可以包房既, 平日最低消費$ 8000, 假日(忘記了 )入面有私家露台, 三五知己有美酒佳餚配海景, 真係正吖
仲有獨立洗手間添 !!
张贴
