影片
更多
2006-02-01
20 浏览
1-1-2006 0910諗唔到2006年第1餐就係呢度，而欠你已久的食評終於攪掂左。黎左openrice已有一年既時間，大大小小的食評，由第1個血淋淋的港式生牛肉火鍋食評，到而家可以見得下人既食物相及純吹下水的食評，平均來說3日就有2餐就係出面解決，對我來講都係一個記綠。初初買部DC返黎既最終目的原來係映食物，自己都估唔到。除此之外，出席大大小小的聚會，曾經和各位活躍食家砌磋砌磋，自己也比下去，在這裡只有破壞冇建設兼冇乜個人之處的無賴，估唔到有素未謀面的食友電郵給我，令我又驚又喜，大家或會覺得我膚淺，冇計啦，自己唔係正室/隱形高層及資深活躍食家。呢名食客從外地回港過Xmas，經過幾次電郵及電聯之後，大家便約了元旦日出來飲早茶，當然要帶佢呢度見識見識，第1次迎接外賓，都未話唔緊張。大家到達目的地後，分道揚鑣去霸位，不消十幾分鐘就有位坐，第1時間飲乜茶，我就要了普洱，而佢就要了香片，大家都要了茶盅，記得第1次黎呢度飲早餐既時候，自己唔係好識用茶盅及攪到一地都係，經過歲月磨練，自己也懂得點樣教人，但查實我都係第2次用。侍應有時都有幫我地倒及沖茶，但都知佢地有幾忙，自己都親力親為幫下自己及外
諗唔到2006年第1餐就係呢度，而欠你已久的食評終於攪掂左。
黎左openrice已有一年既時間，大大小小的食評，由第1個血淋淋的港式生牛肉火鍋食評，到而家可以見得下人既食物相及純吹下水的食評，平均來說3日就有2餐就係出面解決，對我來講都係一個記綠。初初買部DC返黎既最終目的原來係映食物，自己都估唔到。
除此之外，出席大大小小的聚會，曾經和各位活躍食家砌磋砌磋，自己也比下去，在這裡只有破壞冇建設兼冇乜個人之處的無賴，估唔到有素未謀面的食友電郵給我，令我又驚又喜，大家或會覺得我膚淺，冇計啦，自己唔係正室/隱形高層及資深活躍食家。呢名食客從外地回港過Xmas，經過幾次電郵及電聯之後，大家便約了元旦日出來飲早茶，當然要帶佢呢度見識見識，第1次迎接外賓，都未話唔緊張。
大家到達目的地後，分道揚鑣去霸位，不消十幾分鐘就有位坐，第1時間飲乜茶，我就要了普洱，而佢就要了香片，大家都要了茶盅，記得第1次黎呢度飲早餐既時候，自己唔係好識用茶盅及攪到一地都係，經過歲月磨練，自己也懂得點樣教人，但查實我都係第2次用。侍應有時都有幫我地倒及沖茶，但都知佢地有幾忙，自己都親力親為幫下自己及外賓。
佢係一位粥癡，第1時間就點了瑤柱粟米粥，粥當然唔會expect像老店那麼綿，足材料係事實，味道也不錯，清一清腸胃的最佳選擇；第2款的點心係馬拉糕，甜度及鬆軟程剛剛好，不會似某的酒樓硬及太甜；隨後上既豬肚，入口沒有怪味，製作得非常出色，是必叫的點心之一；這裡的蒸腸粉水準只屬一般，就像粥一樣不會是這裡的賣點，之不過裡面的材料係豬膶就截然不同，出奇地今次的水準也不錯，或者係新鮮整既緣固，是必叫的點心之一，其他如叉燒、蝦肉/米或牛肉可以行埋一邊。
鴨腳扎一大隻鴨腳加埋一條芋頭，然後被腐皮包著，不會有太多油蒸出來，不太喜歡食鴨的你亦應該一試；即使食得好飽，我個人應為到這裡飲茶冇食過蓮蓉包或麻蓉包的話，等如沒有到這裡飲過茶，今次就要了麻蓉包，係甜左些少，但加了芝麻及蓮蓉的香味，唔甜既話根本唔好食，一餐兩餐冇乜所為，佢都攞左一個返屋企，似乎相當滿意；最後點了豉汁蒸鱔作為終結；大家都好滿意呢一餐，尤其係麻容包，亦有的我係從來未食過。食客除了本地由三至八十歲的巿民外，還有遊客攞住本地圖，自己專誠黎呢度罷位飲茶，如有朋友黎香港旅遊，除勝香園外，呢度一定要帶佢黎，一來了解香港人的飲食文化/遺產，二來了解茶客百態。
期間，坐我地隔離的夫妻亦專誠帶埋仔女黎飲茶，她說住好遠，初頭以為係離島或新界偏遠地區黎，原來只係QB，我還比他們還遠呢！期間大家都講下以前飲茶到現在的分別，同埋現代人的飲食文化，就其係呢一代的小朋友，與其他你唔識既食客兼不是同檯交談，似乎係聚會中唯一不能做到的事，就算有得傾，一係目怒兇光/目光無神，再唔係「你有你既生活，我有我既忙碌」咁回應。
此外，最驚喜的一樣是有不少食客站在蒸點心廚房門口，唔通有金執？原來只係睇下有冇的特色點心出，有的一出廚房還未轉入直路已經搶購一空，有的轉入大走廊時有大量食客像蜜蜂極速吸納，其中兩款受追棒是大包及火腩卷，所以坐位亦都好重要，可惜大家的戰鬥力有限。縱管呢的行為唔係太值得學習，就其講究禮貌或商務應酬，在平日這裡跟本少/唔會有人咁做，即使在其他港式酒樓已經賣少見少，但係自助餐裡的壽司/刺身/生蠔集中地反而屢見不鮮，個人應為亦係中式茶樓中飲食文化的特色。
埋單102蚊，當然係我請佢，外賓最後既comment係“you really opened my eyes”，送佢到某路口其間，順路都介紹左威記及其對出幾間賣少見少既大排檔，這樣就分別了，盼望下次返港時再能一齊開飯喇！
與上次飲早茶不同之處是：
i) 一齊既人已經係換轉了另一批；
ii) 上次係平日而今次是假日兼係一年之始；
iii) 食的點心有部份與上次不同；
iv) 第1次經這裡兼以第1身招呼外賓/食友；
但唯一相同的是都要在openrice相識。下一次有機會再黎這裡飲茶時，又會在甚麼情況下發生呢？
題外話：有時寫食評寫下其他食客及其與閣下完全無關既周邊環境的一點一滴，係寫純食物的食評外另一種表達方法。
张贴
