三哥廚房擔擔麵菜飯專門店

营业中

休息中

招牌上海粗炒  好大碟，但唔夠鑊氣。  雞絲粉皮紅油抄手 賣相係唔錯既，雲吞外皮薄薄幾滑溜，內裡菜肉餡都幾多，都有肉汁。紅油汁係醬油加辣油再加蒜泥，味道偏咸辣，無乜甜味。 三哥排骨菜飯  係此店招牌菜，排骨熱辣上檯，份量唔少，菜飯用雞公碗裝住，都算大碗，飯面加上醬汁三選一，要左鎮江汁。豬扒較薄，粉唔算厚，炸得幾脆，肉質好鬆化軟腍，味甜有肉汁，係唔錯既。菜飯用上珍珠米，煙韌彈牙，加菜都幾多，好送飯。鎮江汁酸酸地好開胃。招牌擔擔麵  湯底由花生、麻醬、辣油、香料等製成，麵上鋪著肉燥同蔥花。湯底略嫌唔夠濃郁厚實，有微花生香味。麵質好腍好滑溜，掛湯都可以。整體唔算特出。 鮮磨豆漿 唔算太甜、有豆味，似係自家製。