三分俗氣 (已結業)

見網上介紹呢度既蟹粉小籠包後，激起我內心的食慾，午飯時侯急步過來試一試。位置係有點遠，不過點半黎到好在唔使等位，餐廳分上下層，都幾多人光顧，侍應都忙到有點應接不暇，唔得閒理人。原本想食蟹粉小籠包，但發覺午市套餐價錢更加吸引，飯麵加上小食最平四十零蚊也可以埋單，於是幾個同事share 黎食下。跟餐豆漿味道甜味剛好，豆味也濃。三絲粉皮（$12): 有青瓜，火腿，雞絲，花生醬味道濃郁，粉皮也帶點彈性，不錯！手拍青瓜（$10): 只有蒜蓉和麻油作調味，簡單得來幾清新。重頭戲一定係小籠包（$20): 跟餐有三隻，個皮非常薄，估唔到小店都有如此級數。咬開湯汁非常多，味道帶甜，肉嘅份量剛剛好，點上醋汁鮮味更突出，實在驚喜！（不過我明明另外叫左生煎包，佢又比錯左一籠小籠包我，見佢咁忙癈事換）俗氣担担麵（$30) :不知為什麼以俗氣名命，雖然餐廳叫"三分俗氣", 但食物不俗。湯底濃郁，帶點點酸，可能是因為有酸菜的關係。花生味略嫌不夠濃，可能是被酸味蓋過。不過麵質彈牙有咬口，我幾鍾意。30蚊來講確是超值，份量也不少。下次一定要試埋佢個生煎包。