試新嘢呢日，其中一位朋友臨時要OT嚟唔到，唯有打包比佢食。店員好幫手，為我哋預了幾個膠盒，燉湯就直接幫我轉落膠碗中。
1. 粒粒金磚豆腐 — 外脆內軟滑，豆味香濃
2. 白胡椒鹹菜豬肚雞湯 — 原盅燉，足料，白胡椒味香，辣度適中
3. 脆皮牛肋肉 — 脆皮唔太厚，牛肉肥咗D；這是我期待兩個菜嘅其中一道，沒預期咁好，但都唔錯
4. 椒鹽鮮魷 — 看似簡單，但要做得好食唔易，鮮魷炸得鬆脆，椒鹽夠香
5. 桂花金絲骨 — 落咗桂花嘅糖絲，食落有輕微苦，排骨好味
6. 黃飛鴻脆皮豬手 — 原來使用了黃飛鴻家鄕嘅辣椒，估計有落孜然粉或類似香料丶豬手同花生炸得惹味
7. 京蔥吊燒雞 — 京蔥好香，配上外脆內軟嘅吊燒雞食，一流；這就是另一道我期待的菜，冇失望，全晚我最喜歡這道菜
1
8. 千層腐魚湯浸菜苗 — 魚湯鮮甜，食咗咁多肉之後好有清新感
9. 金瑤芙蓉蝦腰煎米粉 — 米粉煎得幾好，可能個人口味問題，不喜歡有獻汁嘅餸，淺嘗一口而已
此外，未嚟之前見到一些食客批評店員禮貌及服務唔好，我想在此為佢哋平反，因這晚都有八成客人，但唔覺得店員因太忙冇禮貌，我反而覺得佢哋幾細心幾好，比某些貴價有名氣嘅酒樓還好。
1
