川公所 (已結業)

估唔到喺小區都會有啲咁高質嘅川菜，菜色雖然簡簡單單但係都非常之有驚喜。🎉就好似簡簡單單、通常啲人都會食嘅🐟酸菜魚🐟，賣相都已經好吸引。一大碗材料非常之豐富，相當濃沃嘅質感。預先煲好嘅湯，入面係一片片嘅辣椒、薑絲等配料、已經預先切好嘅一嚿嚿魚肉。咁樣嘅感覺就好似一煲好足料嘅魚湯咁，麻辣味亦做得啱啱好。🍆燒茄子🍆都夠哂大塊，真係原條茄子黎。上面係滿滿嘅蒜蓉同蔥，非常之香，食落去真係完全入曬味，有少少脆口感，又帶有點點嘅辣，夠哂醒神。隔離位都嗌咗呢味菜所以我哋都試下🥦大盤花菜🥦。可以睇得出啲菜係同辣汁完全融合，上面仲有啲肉片同埋辣椒增添飽肚感，味道辣得好正。