響 - Hibiki 日本燒肉 (已結業)

今日難得幾個三五知己終於夾啱個時間可以約出黎聚一聚。咁難得嘅機會一定要book返間好嘅餐廳賀一賀佢啦！響HIBIKI間嘢喺佐敦，地鐵站A出口一出跟地圖好快就到，易行唔難搵。先頭部隊：黎幾碟頭盤先，海鮮：大蝦、生蠔、鮑魚仲有大大條鯛魚。肉類：和牛、西冷、肉眼扒、豚肉，真係正呀！刺身：海膽、三文魚、吞拿魚、甜蝦、帶子。即刻開燒先！！！先放晒啲海鮮先～～～生蠔就算燒熟咗，都能夠保持到佢嘅鮮味，腥味其實已經唔係好重了。跟住燒好嘅係大蝦，剥好蝦殼沾啲醬汁，哇！好食呀！接住落嚟哇真係忍唔住啦！要落肉啦！豚西冷、豬頸肉、牛肋骨正呀喂！個豚西冷同牛西冷入口即溶，口感超好。跟住就係牛脷啦，個人就最鍾意食牛脷，沾上專門嘅燒烤醬汁，放入口～哇絕對係好食過放題人哋師傅燒比你果啲。燒肉過三輪，飽飽哋啦添，叫返啲炸物嚟食先。榴槤炸彈、芝士年糕各要幾件。重點係個芝士年糕，真心好好食，外皮夠晒脆，入面個芝士心熱親條脷，但係好香好軟滑。最後當然係佢個飲品、雪糕、甜品任食。