影片
更多
2023-04-14
280 浏览
大喜屋（沙田）地址：沙田沙田正街21-27號沙田廣場1樓33-35, 44-46號舖====================同三五知己食飯，最穩陣當然係食放題啦！貪佢咩都有得食之餘，又可以揀返自己鍾意食既野，咁大家就一定啱心水啦。呢間放題唔單止食物同飲品嘅款式夠多，而且Haagen Dazs仲可以任食添，真係食多幾杯就已經翻本。餐廳環境舒適，而且座位寬敞，坐得非常舒服！出面嘅自助區已經有勁多熱食、海鮮 、甜品同飲品等任攞，再望下Menu，先發現原來依家嘅放題矜貴到連鮑魚同花膠等嘅高價食材都有得食，真係睇見都流晒口水！我哋叫咗勁多野食，而放題又點少得刺身呢。首先，刺身方面係非常新鮮，而且塊塊厚切非常肥美。特別想讚下啲刺身蝦，餐廳細心地挑晒啲蝦腸，等我哋可以食到啖啖彈牙嘅蝦肉，值得一讚。炸物方面，芝麻雞翼好掂。醃好既雞翼完全冇雪味，炸完之後仲有肉汁，又唔會乾爭爭可以做到皮脆內軟，酥脆又好食。天婦羅蝦表層炸漿薄薄地，唔會食到成口油之餘又夠脆口，絕對係出色之作！之後我哋仲嗌左啲好有特色嘅一品料理，當中有避風塘魷魚圈，魷魚圈同香蒜炸到脆卜卜，食落爽口又唔油膩，勁有大排檔風味！仲引唔住點左幾客一齊
地址：沙田沙田正街21-27號沙田廣場1樓33-35, 44-46號舖
====================
同三五知己食飯，最穩陣當然係食放題啦！貪佢咩都有得食之餘，又可以揀返自己鍾意食既野，咁大家就一定啱心水啦。呢間放題唔單止食物同飲品嘅款式夠多，而且Haagen Dazs仲可以任食添，真係食多幾杯就已經翻本。
餐廳環境舒適，而且座位寬敞，坐得非常舒服！出面嘅自助區已經有勁多熱食、海鮮 、甜品同飲品等任攞，再望下Menu，先發現原來依家嘅放題矜貴到連鮑魚同花膠等嘅高價食材都有得食，真係睇見都流晒口水！
我哋叫咗勁多野食，而放題又點少得刺身呢。首先，刺身方面係非常新鮮，而且塊塊厚切非常肥美。特別想讚下啲刺身蝦，餐廳細心地挑晒啲蝦腸，等我哋可以食到啖啖彈牙嘅蝦肉，值得一讚。
炸物方面，芝麻雞翼好掂。醃好既雞翼完全冇雪味，炸完之後仲有肉汁，又唔會乾爭爭可以做到皮脆內軟，酥脆又好食。天婦羅蝦表層炸漿薄薄地，唔會食到成口油之餘又夠脆口，絕對係出色之作！
之後我哋仲嗌左啲好有特色嘅一品料理，當中有避風塘魷魚圈，魷魚圈同香蒜炸到脆卜卜，食落爽口又唔油膩，勁有大排檔風味！仲引唔住點左幾客一齊品嚐！
另外，仲有香草牛油煮鮮大蜆，蜆肉份量又多又大隻，配上香草牛油Creamy得嚟又多汁，完全帶出蜆肉既鮮味，令人一試難忘！
加上雪花牛肉鍋，牛肉唔係一般肥牛，唔會有大量既肥膏係邊位，配上生雞蛋，令牛肉變得更嫩滑，真係非常好食！
食完咁多飽肚野，梗係要食返D蔬菜中和下啦！我哋就叫咗碟矜貴又健康嘅蠔皇鮑魚扒生菜，生菜同鮑魚兩者簡直係絕佳嘅配搭，生菜吸收晒鮑汁精華，鮮嫩得嚟仲好入味，連本身唔鍾意食蔬菜既我，都引唔住食左兩碟。
最後，又點少得飯後甜品呢！除咗喪食Haagen Dazs之外，我哋仲一人叫左一碗滋補花膠燉鮮奶，呢個配搭相當獨特，食落口感細滑，而且甜味控制得宜，完美咁為呢餐劃上句號。
张贴
