影片
更多
2008-07-24
14 浏览
2008年7月18日 - 松屋日本料理銅鑼灣駱克道491-499號京都廣場三樓慶祝同事入了大學，所以今日放工決定一起吃晚飯慶祝，想了一天都想不到去那裡，於是有同事提議去這間放題料理試下，訂了第一個時段，好似係6:00-8:45，6點鐘準時去到，餐廳大概只有四成滿，坐好之後就看看有什麼東西吃，原來都幾多野食架喎，魚生，燒物，炸物，凍食，甜品，不過就唔好要求食物既質素係超好囉，但係有幾樣野真係值得一試。先講下d食物先魚生 - 都算OK，無咩特別，不過魚生切得都算厚身，唔會好似某d放題料理餐廳咁切到薄切切咁，而且款式都算多，有鮑魚，劍魚，吞拿魚，鱿魚，三文魚...... 燒物 - 燒羊鞍一定要叫，d質素同我之前買果d羊鞍既質素差唔多，燒得好香，又有羊味，不過唔係果隻羊"蘇"味，另外燒牛舌，燒得o岩o岩好，仲有金菇肥牛卷，雞軟骨，炸芝麻雞翼，雞脾菰，冬菰，煙肉蕃茄，蕃薯，粟米。炸物 - 炸蝦同炸蠔必叫，不過個炸漿麻麻地，有點兒實，不過大致上都幾好。甜品 - 有四款雪糕，芝麻，綠茶，紅豆，仲有一款唔記得左，我剩係試左芝麻，原本諗住d雪糕應該麻麻，不過食落又真係幾ok喎，本來想再encore，但係
銅鑼灣駱克道491-499號京都廣場三樓
慶祝同事入了大學，所以今日放工決定一起吃晚飯慶祝，想了一天都想不到去那裡，於是有同事提議去這間放題料理試下，訂了第一個時段，好似係6:00-8:45，6點鐘準時去到，餐廳大概只有四成滿，坐好之後就看看有什麼東西吃，原來都幾多野食架喎，魚生，燒物，炸物，凍食，甜品，不過就唔好要求食物既質素係超好囉，但係有幾樣野真係值得一試。先講下d食物先
魚生 - 都算OK，無咩特別，不過魚生切得都算厚身，唔會好似某d放題料理餐廳咁切到薄切切咁，而且款式都算多，有鮑魚，劍魚，吞拿魚，鱿魚，三文魚......
燒物 - 燒羊鞍一定要叫，d質素同我之前買果d羊鞍既質素差唔多，燒得好香，又有羊味，不過唔係果隻羊"蘇"味，另外燒牛舌，燒得o岩o岩好，仲有金菇肥牛卷，雞軟骨，炸芝麻雞翼，雞脾菰，冬菰，煙肉蕃茄，蕃薯，粟米。
炸物 - 炸蝦同炸蠔必叫，不過個炸漿麻麻地，有點兒實，不過大致上都幾好。
甜品 - 有四款雪糕，芝麻，綠茶，紅豆，仲有一款唔記得左，我剩係試左芝麻，原本諗住d雪糕應該麻麻，不過食落又真係幾ok喎，本來想再encore，但係因為實在太飽，所以無叫到。
飲品 - 都有5-6款選擇，而且啤酒任飲，正，最令我估唔到既係佢地竟然會將個酒杯雪凍，其他飲品都係可樂，SEVEN UP，橙汁，都係例牌果d啦。
總括黎講，我覺得間野真係唔錯，食物款式多，可以一次過試到好多野，食物質素同侍應既服務又ok，係一個朋友相聚既好地方，絕對係值得大家去試下。
每人都係180蚊左右，多謝同事萬歲。
张贴
