影片
更多
2017-04-19
251 浏览
好耐都無係西環覓食，今次就同朋友一齊去西環食西餐。香港大學站B1出口行過去5分鐘就到，十分方便。餐廳環境俾人一種溫馨，舒服的感覺，未食已經覺得正XD飲品方面揀左Sky blue，底層有柚子，飲之前一定要拌勻! 但如果柚子味再濃啲就好~蟹肉南瓜湯超creamy，南瓜味夠出，入喉非常順口，再加上蟹肉的鮮味，令成個湯既味道更加分。藜麥海蝦沙律同芝麻菜沙律之中，個人比較鍾意前者，藜麥係superfood，用黎做沙律更易入口，重要醬汁係用芝麻醬再加上海蝦，無得頂!最期待就係個炭燒海鮮拼盤，本人超鍾意海鮮，但因為我唔鍾意食生蠔就俾朋友食哂，但係青口、蝦同翡翠螺好鮮味。另外仲叫左蒜香紫蘇白酒燒海蜆同燒原隻深海魷魚，前者不過不失，蒜香味夠，鍾意食蒜既朋友應該會鍾意。而後者肉質柔軟，口感富彈性，但始終係"燒"，如果可以燒得再香D就完美~ 一班朋友食飯就怕大家口味唔同，唔知點叫菜。但呢個四式薄餅完全唔怕呢個問題，4款口味實搵岩你個味XD 餅皮超薄超脆，絕對唔會食一件就膩~食肉獸既我又點少得肉呢~ 白肉食得多緊要叫返個紅肉襯托，炭燒加拿大牛仔骨，遠遠就聞到好香既炭燒味，肉質嫩滑!甜品叫左鐵板朱古力布朗尼伴雲
飲品方面揀左Sky blue，底層有柚子，飲之前一定要拌勻! 但如果柚子味再濃啲就好~
蟹肉南瓜湯超creamy，南瓜味夠出，入喉非常順口，再加上蟹肉的鮮味，令成個湯既味道更加分。
藜麥海蝦沙律同芝麻菜沙律之中，個人比較鍾意前者，藜麥係superfood，用黎做沙律更易入口，重要醬汁係用芝麻醬再加上海蝦，無得頂!
最期待就係個炭燒海鮮拼盤，本人超鍾意海鮮，但因為我唔鍾意食生蠔就俾朋友食哂，但係青口、蝦同翡翠螺好鮮味。
另外仲叫左蒜香紫蘇白酒燒海蜆同燒原隻深海魷魚，前者不過不失，蒜香味夠，鍾意食蒜既朋友應該會鍾意。而後者肉質柔軟，口感富彈性，但始終係"燒"，如果可以燒得再香D就完美~
一班朋友食飯就怕大家口味唔同，唔知點叫菜。但呢個四式薄餅完全唔怕呢個問題，4款口味實搵岩你個味XD 餅皮超薄超脆，絕對唔會食一件就膩~
食肉獸既我又點少得肉呢~ 白肉食得多緊要叫返個紅肉襯托，炭燒加拿大牛仔骨，遠遠就聞到好香既炭燒味，肉質嫩滑!
甜品叫左鐵板朱古力布朗尼伴雲尼拿雪糕 (呃like必備)、甜蜜菠蘿薄餅伴雲尼拿雪糕 (菠蘿的酸甜中和餅皮的飽足感，而且場重點係一定! 一定! 一定要拌雪糕一齊食!!!) 同朱古力熔岩伴雲尼拿雪糕。
张贴
