東南亞料理研究所 (已結業)

枱面有一支黃色飲品，唔知乜黎，全部都係打開蓋的，唔係幾衛生⋯唔夠膽飲⋯⋯（有相證明，真係全間店舖的都係打開，唔係淨係我嗰支）叫兩杯飲品，不過店員拎上桌嘅時候，我問佢邊杯打邊杯，「竟然連店員自己都唔知」⋯⋯⋯衛生情況之下，難道我要同朋友交換飲一啖驗證嗎？佢粒龍眼同荔枝一模一樣樣，唔食入口真係唔知⋯👎🏿👎🏿👎🏿煎肉餅飯醃溏心蛋珍珠米，呢個菜式真係不知所謂，碗飯係超級熱👌🏻，好可惜我個煎肉餅好明顯係用微波爐叮/蒸/或者用水烚過⋯⋯唔好話我知唔係，如果唔係咁，都可以將個煎肉餅搞到咁水，真係地獄廚師先做到⋯⋯👎🏿👎🏿👎🏿👎🏿👎🏿表面係煎肉餅嘅顏色，啡啡地，不過完全「冇煎肉餅嘅香氣同埋口感，呢個肉餅水懶懶」，一路食，原來成個碗下面都係水，完全唔係肉汁，真係熱水⋯👎🏿👎🏿👎🏿👎🏿👎🏿👎🏿「豉油得個咸字，一啲都唔香，撈飯覺得自己會腎虧，唔撈又淡而無味」，唉，好失望👎🏿👎🏿👎🏿唔係話難食都食唔到，不過比百幾蚊食啲咁嘅嘢，超級不知所謂！應該係我食過最難食嘅東南亞餐廳，三不像，真係寧願喺隔離食，都唔會食呢一間！👎🏿👎🏿👎🏿👎🏿平心而論，呢碗飯只值$30，絕對俾多左。