冬蔭公公 (已結業)

今日收工我去左沙田行街，咁啱家姐要去沙田做野，於是就一齊食dinner。諗唔到食咩，所以我地上左連城廣場好多餐廳嗰層睇下。結果我家姐突然衝左去冬蔭公公，因為佢比陣冬蔭功香味吸引左XD我叫嘅係金菇菜魚皮餃冬蔭功檬粉（中辣 $61）家姐叫嘅係雞絲蘿蔔冬蔭功薯粉（BB辣 $57）就係呢碗冬蔭功吸引左我家姐入黎食，果然冇令佢失望，食落好惹味，我地飲曬個湯！小食我地叫左豬頸肉沙律（半份 $52）豬頸肉夠香口，加埋d醬汁好開胃！牛肉雞肉串燒（各三串$72）燒得啱啱好入曬味！飲品我地都係叫乳酸（各$14），不過我叫嘅係芒果，家姐叫嘅係巨峰提子，味道酸酸甜甜，唔錯！食完先知原來我家姐未食過冬蔭公公，佢話估唔到質素咁好，下次要再黎食XD